香港人眼中的香港美食 - 中環Central (2)
根據香港最受歡迎的開飯網(www.openrice.com)，在最多游客到的Central區，有以下的介紹，可以供你們參考：
札幌元祖北海道拉面
地址 :中環康樂廣場8號交易廣場富臨閣(The Forum)1樓11至12號
英文地址：
Sapporo Japanese RestaurantThe Forum, 8 Connaught Place (Central)
電話 : 2140 6883
類別 : 日本菜、日式西餐廳、拉面
消費 : $41-$100
招牌菜面鼓湯、豬骨湯拉面
今次系第3次黎* 第1次系岩岩開張Daddy帶我黎的, 第2次同朋友黎已經系2年前喇!!! 因為價錢比較貴所以好少黎`` 今日系一個初次見面既朋友請食飯, haha揀呢度系貪就佢腳, 事關佢食完仲要趕返公司做野啊` 今日打去book位先知原來夜晚無得book架!! 8點去到有幾pair人企系出面等位* 哇…企系出面真系凍到喊好大風啊!!!等左10分鐘終於有位喇我地=)
一坐低, 上過電視既老板娘問我地要熱茶定凍茶, 5秒之後就送來熱滕滕既麥茶,捧在手裡, 喝一口, 成個人超暖笠笠=) 印像中碗拉面系超大碗的, 一個人食好飽, 所以只叫了一碗拉面+煎餃子+年糕薯餅, 兩個人share食*
牛油味噌拉面 $75
先飲一啖湯, 正, 好濃味噌味!! 然後又忍唔住飲多幾啖
再食一啖仔牛油, 唔香而且偏鹹, Domon既牛油好味好多;
再食一啖面, 正, 彈牙有咬口, 非常美味!!
再咬一啖叉燒, 軟腍又入味, 好正!! 唔似一般叉燒又瘦又薄又乾;
食曬d面之後忍唔住不停飲湯, 最後為免大肚腩突出黎失禮人而停飲
唔要牛油既話平10蚊, 下次會揀唔要牛油
煎餃子 $40
皮薄, 餡料美味, 不過煎得唔夠香脆, 肉汁唔多;
鐘意佢比坊間少油, 無咁肥膩, 其實都好味=)
炸年糕薯餅 $30
初嘗此炸物, 有d失望, 早知叫多碟煎餃好過;
皮好脆薄, 年糕軟身, 煙煙韌韌, 裡面系唔滑既薯蓉,
無乜調味, 味道普通, 咁細舊, 唔值30蚊啊
食到一半d人開始陸續食完離開, 所以如果有心黎食又唔想排隊吹風的話, 8點半後黎一定有位* 至於服務嘛, 我要平反一下!! 我黎左3次, 3次都系繁忙時間, 但服務一d都唔差!! 當晚一個高高瘦瘦男侍應送上拉面後, 再以高速送來2只碗仔, 正當我想打開隔離既筷子盒拎筷子既時候, 佢已經幫我打開左仲拎埋俾我地, 真貼心呀 另外,實在好鐘意店內裝潢, 好日本* 連本Menu都系好日本* 亦好鐘意聽到周圍咁多人講日文* 埋單時朋友亦不忘講一句おかんじょう おねがいします扮曬日本人 不過價錢實在系貴, 只會間唔中先黎* 多謝阿包請食飯!!!
推介菜式:味噌拉面 (唔要牛油好d)
是次消費: 每人約HKD$80 (晚餐)
評分: 味道 4環境 4服務 4衛生 4抵食 3
11.22.在ifc睇完戲，與龍一起來這裡晚餐。
這店有濃濃的日本風味，又見到不少日本人幫襯，未食到對食物質素有信心。不過實在太飽太滯，只叫了一碗較清淡的鹽味拉面，再加煎餃與雞蛋：
雞蛋($10)-一廂情願以為是半熟的溏心蛋，原來竟是全熟的，很失望呀!
鹽味拉面($65)-鹽味湯底清澈得來有鮮味，而且較清的湯底特別能彰顯面的質素，由北海道空運抵港的西山拉面果然不同凡響，香棉軟熟，粗幼、味道與口感都十分之好。龍還大贊厚身肥美的叉燒，不過我還是較愛山頭火那被熱湯浸得半融的叉燒。配料中的筍也值得一贊，軟軟的有陣清香，整體而言是很有日本風味的一碗面，雖然很飽，最後都清得七七八八。
煎餃($40)-皮薄餡香，吃過多間最滿意之作。
其實按計劃，應該還要試多次Domon(指明尖咀店)與一平安面屋(指明長崎拉面)。然而食了多餐拉面後，我與龍已開始生厭(對不起，我不是標准拉面迷，我還是熱愛甜品多好多! )，所以這也是暫時最後一篇了。
總括來說，試過多間面店，我與龍最後裁定：最美味的拉面，還是在日本所吃的地道拉面，那種風味，香港的面店很難比得上。一定要選，札幌元祖算是最有日本風味的一家店了，其次為山頭火。
再次多謝出(大部份)錢又出(食)力的贊助商-龍，也希望這系列食評幫到拉面迷找尋美味的拉面!
推介菜式:鹽味拉面, 煎餃
是次消費: 每人約HKD$65 (晚餐)
評分: 味道 4環境 4服務 4衛生 4抵食 4
The Flying Pan
地址 :中環奧卑利街 9 號地下
英文地址：
9 Old Bailey Street (Central)
電話 : 2140 6333
類別 : 西式、西餐廳
消費 : $41-$100
系公司附近一直都無機會去 今日同同事去試下
地方唔算大 不過可能因為系斜路無嘜人留意 所以12點幾去到人都唔多
位置唔算多 大約25-40個位啦 因為有埋bar台
而且呢間原來系24小時營業! 好厲害!!!
一坐低就見到佢張階磚台面 好靚呀~
餐牌就全英文 而且好多款野食 仲要系好多都有蛋
唔系一只蛋 而系至少2只 有d系4只!!!
仲要每樣配料都可以揀唔同款...
好似蛋有得揀炒蛋, 煎蛋, 太陽蛋, 半熟蛋...
配菜有得揀熟蘋果, 煎蕃茄, 薯仔, 煮豆, 蕃茄湯...
果汁可以揀蘋果汁, 橙汁, 紅莓汁, 西東汁, 蕃茄汁, 檸檬汁...
我叫左Flying Pan餐已經有2只蛋, 叫scrambled egg, 餐包揀croissant, 配菜揀薯仔同熟蘋果, 同埋蕃茄汁
一拎黎已經嚇死我!
咁大碟既!?!?!?!?!?!
scrambled egg好大份, 2只蛋喎...仲有2條炸煙肉, 一塊厚火腿, 一個牛角包
薯仔就唔太好, 有d凍, 熟蘋果都ok, 佢話系spiced apple, 不過一d辣都無, 反而有d甜, 幾light
雖然樣樣都好好味, 但見到咁大碟, 都真系飽左一半!
唯一搞笑系杯small juice真系超細!
相比起個碟, 真系完全唔成比例!
系幾好飲既蕃茄汁, 可惜太細杯, 加大竟然要加$12!
唔太抵啦...
見到隔離台有人食bagel架, 好正咁, 又有cream cheese可以自己搽...
下次再去!
推介菜式:Flying Pan
是次消費: 每人約HKD$80 (午餐)
評分: 味道 4環境 4服務 4衛生 4抵食 3
是日星期五… 諗住食餐好…
一心諗住食pizza…
點知親愛既同事又話怕肥…於是想食bake beans
去左flying pans 食all -day breakfast…
最後選左omelette… Phily… chedder Cheese, Steak,, Onion, Green pepper
Side Dish 就要左Grill Tomato 同 Bake Beans…
Bread 要english Muffin
之前食過都知佢portion 好夠．．．
D Steak… 好"lum"
我唔食onion都覺得ｄonion好香．．．
English Muffin 佢整熱左脆脆咁．．．
Yummy… ！！！！
推介菜式:omelette
是次消費: 每人約HKD$80 (午餐)
評分: 味道 5環境 3服務 4衛生 4抵食 3
銀杏館
地址 :中環歌賦街44號地下
電話 : 2545 1200
類別 : 法國菜、西餐廳
消費 : $151-$300
開飯介紹優秀開飯熱店大賞入圍組別: 中環、法國菜餐廳
此店由自負盈虧的非牟利慈善團體開設，聘請長者作侍應和收銀。
今日系bb 生日呀~ 原本去灣仔食美國菜(因為bb想食羅) 但果間cafe 星期日才打電話話我知佢?駾nnual dinner wor~
算啦 ~ 唯有改... 因為時間關系加上上年食了意大利野~ 轉了呢間"銀杏館" 食法國菜
之前系openrice 見好多人介紹所以今晚就來試下~ (前一晚己經打電話訂位..生日送cheese cake 呀~ )
原來一直隱藏系九記斜對面都唔知添@@
上網做定research~ 叫了二個晚餐加$40 set (包沙律,湯和飲品)
bb 鍾意食鵝肝~ 叫了一個前菜 法國鴨肝配藍苺汁($118)
另外主菜~ 皇牌牛骨($188) & 黑松露扁意粉 ($118)
先來沙律~ 雖然系普通食物但勝在新鮮丫(好fresh )加埋黑醋 & 欖油 (味道更好)
然後系鴨肝~ 鴨肝系咪=鵝肝呢? 但味道系一道架~ 我平時都唔鍾意食既~ (但bb 鍾意...^~^ 我當然試下啦)
都幾新鮮又不油膩配埋生菜&藍莓汁都幾好
跟住系餐湯甘荀忌廉湯 & 一個白色唔知系咩湯呀~ 個湯好味~ 淡淡的配埋他們的香料(海藻粉) 再加香草包 (個包系脆..蔔蔔聲........)
主菜到: 先來 意粉~ 好細碟 (但心想一定夠,因為好流羅) 意粉用欖油炒的加入酸酸的梅味道好match ~ 有一湯匙的黑松露放在面上 ...... (味道系好好,但我怕咁多油既食物呀)
再來皇牌骨~ 放得好靚, d 肉真系好淋好好味 ~ 配埋薯角 (好脆,不用沾茄汁也好好味) 因為waiter Jimmy 話用了?琤艦[茄汁 做調味再炸架.... (真系不同街外的食物喎, 不油膩... )
餐飲: bb 叫了蜜桃茶, 我叫了檸蜜
蜜桃茶用玻璃茶壺載的, 很有hea 的感覺~ bb 話好鍾意咁.... (味道好幾好~)
(仲有三粒朱古力送) 好細心呀
bb 既cake到.. (餐廳送) 原本系cheese cake 架~ 但因為好生意丫賣曬lu, 結果送?髐艉茬n
bb 見到好開心呀~ 因為有佢個名系個碟到.....
己經好飽喇! 食曬所有食物呀~ 原本叫 uncle dessert ~ 但最後都放棄丫
後記:呢間cafe 既 waiter 全部都系老人家, 全部都好nice, 可惜個Jimmy 叔nice過龍....好覺煩添~
因為佢成日講??, 又話自己以前系明星呀~ 又話同阿so拍過戲........
pls remember print the 10% discount copoun
推介菜式:皇牌牛骨
是次消費: 每人約HKD$250 (晚餐)
評分: 味道 4環境 3服務 4衛生 4抵食 3
從雜志及網上等各媒體得知此餐廳的各種報導，今晚終於試到啦!!!!!!
預先訂好y^,一進去就見到waiter叔叔的禮貌接待,坐好後又提我們把袋子放在旁邊的位子上。我們一行五人各自要了不同的main dish,可配成set，我要了沙律、意大利雜菜湯，主菜是白松露、雅支竹露筍紅米飯。品嘗沙律時waiter叔叔放下一小瓶阿麻子(Flaxseed),是對心血管健康的！雜菜湯味道很特別,除了一般蔬菜還有一些冬菇片,味道有些像中湯,我覺得不俗,只是略為鹹了一些。主菜的雅支竹是蔬菜,可能之前曾吃過但印像不太深,今次細心品嘗,開初是淡淡的，慢慢又覺得有點像朱古力的味道，自己覺得可以接受。紅米飯煮得剛好,不會太硬,配合白汁亦不覺太膩,不俗啊!!!!之後再要些甜品包括香蕉船及Uncle dessert。Waiter Jimmy叔叔解釋Uncle dessert是什麼,好吸引啊!!外層是蛋白做成松松的一層包著內裡軟軟的pudding，份量不算小又不會很甜！十分滿足！
當然各位服務員的熱誠態度為是次的晚飯加了不少分！更期待九龍分店的水准啊!!!
推介菜式:Uncle dessert
是次消費: 每人約HKD$160 (晚餐)
評分: 味道 4環境 3服務 5衛生 4抵食 4
羅富記粥面專家
地址 :中環皇後大道中144號金利商業大廈地下
電話 : 2543 3881
類別 : 廣東菜、粉面/米線、粥品
消費 : $40以下
食雲香港、澳門既粥店~
始終都系鍾意食呢度d粥
味道好得黎~仲有懷舊既味道呢``
[[ 多重味道呢xddd ]]
叫左油菜 - 菜心, 難得真系記得走油
男朋友叫左魚片面~
魚片是鲩魚片,唔系平日食開好似炸魚蛋個d~
真的很新鮮~好味道~ 喜歡吃魚的人一定會鍾意
我個人就比較鍾意呢度既粥,
所以我就叫左碗肉丸粥啦
好香好多料~ d粥好綿啊~
真系好鍾意食呢度既粥呢^^"
評分: 味道 4環境 3服務 3衛生 3抵食 3
十月廿七日(星期一)
老公由於腸胃不舒服,還是乖乖的陪他去吃粥吧!幸好,不是炎炎夏日去吃,否則,怕熱的老公定必灑手擰頭!
時間尚中,不用排隊,上次來是半年多前的冬天了!
店子內冷氣足,所以吃熱的粥品也不覺得熱呢!
本身今次想試試雲吞面的,不過都是兩口子一起吃粥算了吧!健康最重要...
我要了滑牛肉粥加皮蛋,老公點了皮蛋瘦肉粥走皮蛋...笨了!應該他給我,因為要加4元!><
另外,見對面的食客吃淨雲吞,就試試!
先來鳥蕩蕩的滑牛肉粥,香!!!牛肉好滑!...而且份量多呢!!!!!!而且加上皮蛋份外的惹味!
雲吞也有水准,雖然不是有"尾"的,不過想不到蝦新鮮非常,彈牙!!^^
下次一定試試雲吞面呢!!
是次消費: 每人約HKD$35 (午餐)
Habibi Restaurant
地址 :中環威靈頓街112號至114號地下B &D鋪
英文地址：
Shop B & D, G/F, 112-114 Wellington Street, (Central)
電話 : 2544 6198
類別 : 埃及菜
消費 : $151-$300
開飯介紹全港唯一的埃及餐廳，在三十年代的開羅環境下，享受著傳統的埃及菜式和音樂，還可以嘗試到埃及的民族水煙(Shisha) 呢！
就是從open rice網站中,得悉中環有此一間<全港唯一一間>的埃及菜館,喜試新野的我,當然立即約知己試菜,並得知只有星期五 及 六才有肚皮舞看,理所當然地梗系book星期五來"試菜"啊!!!
因參考過以下其他食評,發覺矮y^是較為吸引的,所以於book位時就注明要坐矮y^,但最好早一點訂,因原來有很多人book的!!!因矮y^其實只得數張.至於侍應與餐牌,全都是英語的,不過居然?鄑琣a食完離去後,才發覺隔鄰"habibi cafe"門前,竟然有中文版菜單的,若不諳英文的,不妨於進入"habibi restaurant"前,先拿取一份"傍身"啊
侍應服務態度不錯,招呼時都會面帶笑容的.
至於店內環境,真是很有埃及/中東特色,置身店布,像身處外國一樣.
話曬第一次幫襯,還要是未試過的埃及菜,所以還是穩陣點,叫來一些大路d的食物:
- Baby Chicken,很好味,說真的,真的很好味,雞肉一點也不鞋,用的是"烤"的做法,烤得恰到好處,不會過?I,很有味道,若大食一點的,1個人也可吃得下一整只!!!只不過, 雞入面有很多"埃及式dry fruit",我想可能我們吃不慣,覺得味道很怪,試過一口後,真的沒有興趣...味道不酸不甜的...細細粒...很"林滋滋"...口感與味道都應該不是香港人吃慣的.
- Chicken Soup,這個真的不推介大家試了,整碗湯絲毫沒有一點雞味,連雞肉也找不到一點,為何會叫做雞湯的呢?像是一碗滾水倒一大堆"雜豆"---湯內的那些豆,很像我們平時一般吃開的雜豆,不過是沒有味道的,很淡...
- Meet Ball,與西餐廳的肉丸差不多,反而配的那個蕃茄醬汁很開胃美味
- Beef Ball,不知是烘過了時的關系還是什麼,很硬,不似平時吃開的牛肉,配的那個醬汁,像是過了期的千島醬汁,我將beef ball醮配meet ball用的蕃茄醬,卻更好味...
- Vine leaves stuffed with an aromatic mix of rice ,一種很埃及式的葡萄葉包飯,當然不像平常吃開的荷葉飯啦!!!很有葡萄葉香,飯像炒過,但依然很軟身及香口,很夠味,不過份量真的很少很少,每客只得4條,我朋友還笑言,將4條飯倒在一起,還不夠半碗飯呢
- DESSERTS: Cremy dark chocolate with cinnamon and honey,很漏,吃飽飯後吃真的吃不消,確然這道甜品真的很cremy(像雪糕)...
此店另一特色--->肚皮舞,大約8點半至9點開始,當音樂一響起,我們立即全神貫注欣賞,當然啊,能夠咁近距離欣賞到肚皮舞喔^^肚皮舞女郎還會邀請食客共舞,若有興趣的可自薦啊 我更獲得肚皮舞女郎主動同我一起合照tim!!!很受寵若驚啊!!!
另外此店每位最低消費是250蚊的.
總括黎講,此店絕對值得推介大家一試,因此店並不只是"食裝修",除了裝修很有特定外,食物亦很有特色,喜歡試不同國家菜式的,可來幫襯一試啊!!!
推介菜式:Baby Chicken
是次消費: 每人約HKD$250 (晚餐)
評分: 味道 4環境 5服務 4衛生 5抵食 4
餐廳分2間，1個restaurant，1個Cafe．．
當然想都不想就走進restaurant，招待的是埃及人，菜單是英文，點菜也是英文，沒幾台客．．
餐廳暗暗的很有感覺，非常的有特色，播著埃及的音樂．．
點著奇怪形狀的蠟燭，格外的浪漫，坐位是取轉角沙發，非常舒適．．
打開餐牌，不便宜，由頭吃到尾每位300左右，來到特色餐廳當然要試試地道特色野！
侍應介紹了特色前菜特色醬配薄餅，就來1客，見到有sea bass，想也沒想就點了！
只因加拿大bass已屬保護類動物，想起當年釣到大口bass還要放生湖中真是可惜！
是晚終於可以1試其鮮味，要多1個grill baby chicken，廚師推介應該沒錯！
waiter推介的薄餅是意外的普通，說甚?流oull never forget abt it after u try it，
確實會，因爲真難吃，醬料味道與希腊餐醬差不多，失望！希望主菜能挽回一城！
等了許久終終上主菜，份量不錯，baby chicken真的是整只拆骨上碟，真不錯！
可惜，味道是1般中的1般，同普通grill house的烤雞差不多，可能實在是吃太多西餐式吧．．．
再試sea bass，汁是番茄+雜菜挑成的，跟想像中不同，
不過真的不錯，4大塊魚肉去骨，粘著汁焗出來保留了該有的鮮味，不錯！
是晚最棒就這sea bass，也值了，吃完坐了1會兒，
埋完單，經理好好人甘叫我地坐多陣，因爲舞娘即將登場，真不錯！
等沒多久，音樂響起，全場開始跟著音樂拍掌，氣氛非常濃厚，此時餐館已滿座，
只見舞娘跳著出來，穿著性感，肚皮舞跳得真不錯，第1次看現場肚皮舞，真滿足！
是次消費: 每人約HKD$170 (晚餐)
評分: 味道 4環境 5服務 4衛生 4抵食 3
陸羽茶室
地址 :中環士丹利街24號地下
英文地址：
Luk Yu Tea House
G/F 24 Stanley St, (Central)
電話 : 2523 5464
類別 : 廣東菜、中菜館、酒樓、湯、點心、同客食飯
消費 : $41-$100
招牌菜白肺湯、炒桂花翅、燒雲腿鴨片、生炒排骨、脆皮糯米雞、生魚卷開飯介紹優秀開飯熱店大賞入圍組別: 中環、廣東菜館
古色古香的中式茶室,店內陳設古典雅致,充滿懷舊味道,茶室提供多款別具特色的中式點心,部份更是坊間少見的。
匆匆過了農歷年假期，又是一個新開始。
下課後與靈姑到陸羽談籌劃校友會之事，我照舊到二樓，
兩點半原來是到陸羽的極佳時間，不用找位，是何等的歡暢。
不知是否梅開三度的關系，一位似是二樓伙計阿頭竟記得「你要普洱系咪？」
一時面子也添了三分，我含情默默的答道：「系呀，另外佢要香片，照舊茶盅，唔該！」
星期美點依舊成為研究對像，但柱侯蒸排骨、脯魚蝦燒賣和淡水鮮蝦餃仍然是我的最愛。
應靈姑要求點些煎炸食物，本星期的牡丹酥是不二之選。
牡丹酥甫出場就是一件美麗的藝術品，吃它何忍，
能與朋友分享這傳統點心實在是更添幾分美味，
看它層層酥皮，配以甜度適中的蓮蓉，有一咬傾心的感覺。
蒸點來了，柱侯蒸排骨、脯魚蝦燒賣和淡水鮮蝦餃水准依然，
蠔油叉燒包和釀豬燒賣是首次嘗試，
但見蠔油叉燒包絕無肥膏，啖啖叉燒肉，證明廿八大洋絕對值得，
又見釀豬燒賣份量十足，如此美點，夫復何求。
古老大鐘響起陣陣鐘聲向我們道別，我們也期待著下次伙計阿頭問我們「普洱、香片，系咪？」
是次消費: 每人約HKD$120 (午餐)
評分: 味道 4環境 5服務 5衛生 4抵食 4
恰逢去德國旅行時結識的喬阿姨和她的小精靈來港拯救香港經濟，約了她們母女倆來陸羽飲早茶，順便償還我的一個小心願。
我們的宗旨是：既來之，則撐之 於是乎嚇壞了賣點心的婆婆叔叔們——唔使驚，我們一定能自己行出餐廳的！
松化雞蛋撻：松化度一般，不必普通面包店水准高；但勝在蛋漿蛋味十足甜度、奶度都適中。
脯魚蝦燒賣：混了魚肉後的豬肉餡理應更鮮美，不過敏感的我就覺得微腥，不太懂得欣賞。
叉燒甘露批：叉燒餡較瘦且甜，肥美與油脂度不足；外面配核桃酥實在是很奇妙的組合，可味道竟出奇的好，大大件清掉都不是問題。
蝦仁荷葉飯：蝦仁就是掛個名，角色其實弱得很；主角是爽滑香口的雞肉。糯米飯很入雞味，又帶點幽幽的荷葉香氣，但飯的份量稍多，好在有小妹清碟啦。
蛋黃?w蓉包：始終也是甜魔，當他人都被其甜度震懾住時。甜魔發功，幾乎獨立清掉了整個大包。?w蓉固然甜而香濃，但缺點也不是沒有，有一點乾身而不易入口。
家鄉蒸粉?X：受到一致好評。沒有濃烈的熗油味，清新如蝦餃，帶來了驚喜。
鮮牛肉腸粉：牛肉質感較嫩滑，不會過老或死實；腸粉也很滑身，不愛腸粉的我都喜歡。
滑雞球大包：滑雞球嫩滑之余亦頗有鮮味，間中又夾雜著叉燒雞蛋蝦仁，令口感更豐富鮮美；但更強悍的要屬包身，松軟帶著微甜，似乎比餡更受歡迎。
淡水鮮蝦餃：平庸的一款，不算吃過的一眾蝦餃中出色的，皮尤其厚，下次可以不用叫。
青豆蝦仁酥：又是受到好評的一款，青豆與蝦仁是不錯的組合，配上少許豬肉餡，帶出了鹹鮮；酥皮也是酥脆香口，微甜的口感與鹹餡搭配起來也挺好。
總體感覺良好，同蓮香樓的早茶相比，這裡自然要貴上少許，但也接受得來（晚市就真是好貴且太大份…）。這裡的點心不及蓮香樓來得傳統，但其媚俗也很討好，何況我還有幾款沒有試到，所以後會有期啦。
推介菜式:蛋黃?w蓉包；滑雞球大包；青豆蝦仁酥
是次消費: 每人約HKD$120 (早餐)
評分: 味道 4環境 3服務 4衛生 3抵食 4