交通工具：豆之愛車！
住宿酒店：海王子度假俱樂部
總費用：1100
准備：
從網上搜索了很多有關惠東海灘行的信息，經過比較以及努力不懈的電話詢問，終於找到廣州招商國旅訂到了四月三十號晚巺寮海邊的海王子度假俱樂部的露卡居一間一晚，所謂的露卡居，就是一間離開邊不到五米的小屋，房內就有露台可以走到海邊。價格為：350。五一那天房費便要880,而且人又多，超級不好玩！
我的車車用93汽油，這次從學校去回東莞的總路程用游150大元。學校去的話，車程為三小時，從海灘回到東莞市區只要兩小時多一點就可以了。全程總的過路費為147。
第一站，Bear與豆來到了海龜自然保護區。一入去就好有釋放噶感覺！海龜島其實就系臨海而建的生態保護場地，個度噶海好大浪，所以絕對系唔能夠游水噶。就算企系高處望都會有種驚噶感覺～怕怕～之前系網上睇人地D攻略，見到有人評論“太平洋麗龜”，我驟眼睇以為“太平洋麗鬼”，所以一去到就話要揾麗鬼，仲同距黎左張極度唔合拍噶合照添！海龜島門票盛惠門票一人30，車5大元。海龜島所在噶鎮系港口鎮，無咩野食，好落後，唯獨是最好噶就有間好大噶煙花專賣！因為之前系海邊買過超扼人，今次有經驗就系鎮上買定先，後黎證實自己噶決定系無錯！45大元噶煙花燒左45分鐘！
之後我地就往巺寮海邊出發！沿路已經覺得好興奮，因為天系藍噶，沙系白噶，水系唔知藍定白噶！好靚！因為仲未到假期，人唔多，玩得好開心。我地一入房都情不自禁驚嘆！爽啊！就系海邊，而且350一間，仲好過執！小休一陣之後，馬上換上我噶bikini戰衣，與陽光玩游戲去了～
夜晚去左巺寮鎮上噶東興海鮮酒樓食飯。之前去過好多海邊，次次都比人當水魚。今次醒目左，去D無甘海邊噶地方食海鮮。本來以為兩個人要兩百左右，點知點左四個菜都不過120。其中有：椒鹽有膏瀨尿蝦，燈籠椒炒鰻魚蛋（其實就系魚春），炒花甲，蒸立魚（未聽過，總之就系海魚）。本來我仲想點多個，個老板娘話：夠啦。唔好浪費。第日中午去稔山鎮上面食個陣個經理又系甘講，估唔到距地呢點又做得幾好窩！贊下先！
再番去就系燒煙花，海邊漫步，跟住搬左部notebook系露台對住個海睇戲，哇～仲正過系電影院！當然唔少得噶就系花露水，如果無左距，去海邊仲多個節目就系捐血！
第二日訓到自然醒，跟住系海灘度繼續玩，扮下野甘執D貝殼啦。已經好多自駕游過黎啦，個海灘多左好多人，呵呵～你地慢慢逼，我地就玩夠曬啦！中午沿住海邊開到稔山鎮搓了一頓，同樣四個菜，同樣120。飲飽食醉後正式踏上歸途。
本次旅程之所以無走錯路，多得Bear之前做足功課同埋距驚人噶認路本能！贊一下～
巺寮海灘因為開發程度仲處於初期，所以受污染比較低，比起閘坡北海個D，真系好純潔。好建議情侶去拍下拖增進感情～去之前要多做功課，力不到不為財！自己知多D，玩得開心D，冤枉都小D。