寫下文的原因：一網上好多去郴州的攻略唔UPDATE，多系N年前的，仲要搜百度，通常搜到一堆戶外SELL去郴州的廣告多過攻略，十篇攻略，哇塞！沒一篇完整敢教你點樣去到目的地，果D仰天湖草原之類的地方。可能這裡的景點唔夠HIT，太冷了。二，感謝各位參與活動的QQ友，加上感謝我地至功高而又謙虛的老錢司機。他仲系一個攝影界的高高高手。
十一座的車連司機坐了十二人。
以下全部圖片，再次驗證我最近經常做的一件事。用別人的相機，影自己的相，讓自己舒服去吧！相冊收收埋埋過百張相，全部系各位熱情的攝影愛好QQ友影的。多謝你們。
ALWAYS KEEP IN MIND，任何一個活動，沒山寨王的，一定講求團隊。
好，LET‘S BEGIN！郴州的夜與霧
第一天，2010年4月30日晚上10點芳村站集中
一個旅程由這裡開始。系一個幾個人成晚沒訓，望住條路的難捱的晚上。KEEP住D HIGH，要大家成晚積極聊天，費是司機訓著的一晚。其實小錢好PRO的，他真系可以成個頭文字錢敢款，成晚穿插於大貨車之間，好高的車技啊。其實出發前我幾擔心自駕車的，因為司機得一個。要扎夜車，連續幾日又要開上高山的窄而急的山路。所以我去大佛寺求神保佑全車人平安去，平安返。中左！得閑要去還神。其實最重要系我地遇上一個好得的業余司機小錢。
行行停停，一路京珠高速上幾個收費站，服務區，小休下一頭半個鐘。終於早上六點到達郴州。然後由郴州京珠高速資興出口落，轉一零七國道。然後向東方向行一個鐘到就系東江湖風景區。我建議大家配個GPS啦，上面可以搜到東江湖的。沒車的朋友，可以去到郴州，穩汽車站坐去資興縣的車，再轉去東江湖。由郴州去東江湖一個鐘啦。
我的去程的路費二舊幾水，油費三舊幾，加埋五舊幾啦。（不過出發前小錢部車滿油的，果D油費未計）
根住當我地滿懷希望敢以為買十元門票可以入湖，點知人地升左價，要五十二元一張門票，哇。全車計埋小錢，十二人。米大拿拿六舊幾。正在此時，我想左幾個方案，一系林定一個買緊飛的有單位證明的導游哥，搭單，幫我買團隊票，不過此法唔WORK了，他買緊飛了，好難埋位。方法二，扮村民，坐鄉巴入湖。因為湖區入面仲有D村，所以村民入湖，不用門飛的。結果都唔WORK，因為村巴拒搭我地。終於此時，一群摩托仔出現左，兔哥話不如摩托仔啦。於是經祺子講價。十元二位，包免門飛。送到大壩。馬上殺他啦。後來先知，原來十分抵坐的，有成十一公裡啊，仲要一路風光無限，坐摩托系今次旅游一個好正的感受。個司機當正自己系劉德華，烈火戰車，片曬敢。
(碧綠的東江湖)
真系唔敢相信，個東江湖十年如一日，仲系敢的款。D水仲系敢綠，早上八九點，仲系敢有D霧。上到山頂大壩，暈同九年前沒差別。哇。人生幾多個十年，又有幾多個地方沒變的。唔知話他開發慢，定保護得好了。但門飛就貴左幾倍。一路景色仲系好正的，心情輕松。我地車就擺左在山腳，決定晚上才叫小錢提番部車，開番上來，敢樣免司機門飛，因為晚上不收門飛的。嚇，這個省門飛經歷講比大家先，遇事要多想辦法，隨機應變。
到達後，小妹主持左一個在東江湖碼頭舉行的省錢聽證會，聽證會之後穩左間湖景房住，對正東江湖個碼頭仔的，一開窗，湖景一望無際，仲話窮游，點知唔住農民屋，住湖景房。其實我覺得沒必要去網上寫的黃草鎮住，敢樣，唔可以睇第早東江湖的霧。因為黃草離東江湖核心睇霧景點，坐船單程要成個鐘。點趕得切番來睇霧，加之要皮費的。而住農民屋呢，系在半路，又睇唔到早上個無敵湖景，及下山時，雲裡霧裡的情景。要記住東江湖最大的賣點，最靚的系霧啊。一切為霧准備。所以東江湖碼頭仔的龍景生態酒樓系你首選。聲明我唔系托，只系覺得性價比幾高姐。一百二十元，有一間四人房了。干淨就不敢恭維的，但系可以要求士頭婆換床鋪。電話：13875528407
然後下面一條街吃飯的。有新鮮的好甜美的東江湖魚吃。一定要試下啊，雖然唔便的，三十八元一斤。其它青菜就十元一碟有交易了。不過建議大家唔想比人斬就要先CHECK下菜牌，打死狗，講好價。
之後大家一人二十四元，坐游船去游東江湖第一名島兜率島。個島好細，行得快一個鐘行曬。慢，影下相的話，可以行成二個鐘的。我地依伙人敢鐘意影相，大家知道我們的速度啦。坐船由東江碼頭去到個島，大約船程二十分鐘一程。二十四元包來回。
玩到中午十二點幾啦，出番個島，上番東江湖碼頭仔果邊吃完LUNCH，因為太曬了，琴晚坐車又累到一晚沒訓，決定大家午睡到下午三點半，再出動，行路去大壩果邊，欣賞下這個九年前所謂的中國南部地區第一壩。結果三點幾一出動，哇壯觀啊，原來下午陸陸續續好多人來東江湖玩，條山路又窄結果大塞車。我地要慢慢穿過D車，穿過埋個山洞先去到大壩，大概行路行左半個鐘啦，但沒摩托仔搭的路的五分之一。回想起摩托仔的十元雞，真抵啊。
(東江湖大ba上的我們，歡欣)
五一號果一晚由於太累了，於是大家一早就訓了。因為第二日的任務好艱巨，我地必須要早上五點出發，沿住條小東江行，先可以影到最靚的霧。而最累的系我們的司機小錢。他仲要等我地影完霧，扎車往離東江湖直線五十幾公裡，但山路車程有三個鐘的仰天湖草原啊。
有霧的小東江真的好靚。情迷東江湖，好去片。
(迷霧東江湖)
(美女與東江湖)
小錢帶住我地飛奔仰天湖大草原，一個連GPS都沒的景區。如何是好呢？沒左GPS的指引，點扎車過去啊。
好彩我地有地圖，仲有地理常識，我依稀記得，仰天湖在網上有人講過在永春鄉可以坐摩托車由山路入，或者去到月峰鄉，開盤山公路上。我估計草原就在這二個地方附近。於是用GPS搜月峰鄉先，車可以入地方，結果方向感極強的小錢，憑住GPS，基本上好順利敢開左三個鐘頭難行而又難度系數極高的高山盤山水泥路來到左我們第二個窮游目的地仰天湖草原。
在出發之前，上網查好多攻略，對這個草原的評價，都是見仁見智啦。一句總結得十分到位的話“對於一般人來講，它只不過系荒山，對於有品位的人來講，它系天堂”。我自己去完，覺得天堂它就稱唔上，但未至於好差。騎馬系果度最大的快樂。好FEEL的感覺。D山坡上的草好綠，好養眼。門票，經靚女祺子響她個朵，最後系二十五元一人，仲免左小錢的門飛添。大家去仰天湖買飛時，記得講價啊，三十元可以講到二十五元。因為果度唔似國營的，系私營的。
簡介系個仰天湖。好精僻的。它系一個第四紀冰川形成的死火山，由好多山坡仔圍成的，中間一個水堂敢細的水池就叫湖了。取名仰天湖。海拔一千三百七十米。幾高的。山上新建左D風車，搞緊風力發電場。景區沒咩賓館，吃住環境極差。唔建議在果度住。騎下馬敢，充其量，四個鐘足夠了。
到下午三點幾，我地出番來，在盤山公裡中段的一間仰天湖大酒店，哇個名好大，其實系一間鄉下酒樓，私人開的吃飯，唔貴啊。繼續八菜一湯先一百六十元埋單。
落山順利好多，大約二個鐘車程後，我地到左郴州市內，搜GPS，穩我地一早預訂好的金福來酒店，哇出發之前，上網搜這件酒店來頭勁了，某旅游訂房網，可以一輸就輸到他出來，仲要好評如潮，仲要講到有星敢濟。性價比極高的。九十八元一個標間。我地以為執到寶了今混。豆豆上班打電話方便，幫我打左去BOOK房。我地萬眾期待金福來，隨著GPS顯示仲有一百米，九十九米，大家個心一自加速，睇下這個大酒店系米四星先，點G，到左火車站附近，一條街都系鹹濕野的，賣男女用品啊，色情場所的紅燈區，一幢紅色，黃招牌的四五層高的小小家庭賓館款敢的招待所，就寫住金福來賓館。而GPS在這一刻定左在度。我地話，天啊！唔會系依間GET野吧。我自已安慰唔會的，這間叫賓館，我地果間叫酒店。於是我CALL左之間記低的電話，一打去問。個前台小姐好肯定敢答左我間野的外形及別名叫賓館。哇，失望ING。豆豆馬上打個電話去CANCEL BOOKING。然後我地就進入左郴州額外加游的第三玩，穩酒店，仲系要穩便價的，又遠離紅燈區的酒店。穩左蘇仙賓館啊，三元酒店啊，洪都賓館啦，經過一連串的對比，最終，我地選擇兔哥與黃CF初戀情人洪都賓館。因為他地二個第一次入洪都出來就有贊沒彈，其後穩的間間都話唔得。男人敢執著，米順從下男人啦。哈哈哈。洪仲便，有小小似平時去香港住果D北京飯店，不過張床寬D。先七十元一個標間。唉。系敢上下的了。不過有得簡，記得住蘇仙啊。我九年前住過。唔錯，不過家下升到二舊幾一晚了。一晚半晚，唔需要敢豪了。
當晚去左附近的飯店。御膳房吃飯，都OK的。又B左一下，又七喜埋，又好多菜，先一百九十五埋單。十二位波。抵到爛。吃飯環境都幾好的。
第三天，五月三號，大家一早起床。返程。全程京珠，中間休息左下，回到廣州用左六個鐘車程啦。路油費同來時一樣。
總結：成個行程，因為錢哥的駕車及無償提供車。因為大家的熱情。因為大家的精明消費與配合。 十二人，人均先用左三百六十元左右。太便了。四舊水以內，出左次省，仲要欣賞左霧漫的東江湖，好扮野的在所謂的草原騎左下馬扮下蒙古人（蒙在古裡的人，注騎馬半個鐘約二十元）。完全達到左我地窮游郴州的目的。
流水賬寫完，仲系果句，一個旅程的快不快樂，不在於你之前PLAN得幾好，因為變化總比計劃快。如果沒有叉叉果日沒空，就沒有我在群講沒人陪我買火車票，如果沒有果日在群講，就沒有錢哥主動陪我去火車站，如果沒有錢哥所陪，如果沒有售票員說沒曬廣州坐位去郴州的火車票，就沒有錢哥即時打電話問朋友借車，沒有錢哥的借車，就沒有大家快樂的湖南三天自駕車之行。
旅游也要講因緣際遇，不過更重要系有一份隨遇而安快樂的滿足的心。
(草原上騎馬的我們)