一覺醒來，去海邊既餐廳食早餐，我地訂既房系包自助早餐既。熟菜有腸仔、雞、牛扒等七、八樣，然後有煎蛋、奄列、蛋餅（好似我地廣州既雞蛋仔，不過形狀唔同而已），當然仲有PHO啦。凍食就有各類面包、沙律、凍肉、水果、鮮榨果汁。我地一定唔會放過PHO同埋鮮榨果汁既，D面包都好好食，奄列就比較失望了～煎得太老了，我煎既都好過她。。。不過，D員工都好好笑容，服務補救，而且，可以望住個大海，吹住海風食早餐，已經好正。成個餐廳得我地同個肥鬼妹系度食早餐，又爭D包場～個鬼妹食完就走去隔離個泳池度，訓系泳池既水泡面睇書，她依然都系包場既～
食完我地豐盛既早餐，返房換泳衣、帶埋我既P仔、DC、黑超、大毛巾同水，准備去同陽光玩游戲，嘻嘻～椰子話她先去大堂個邊上網查資料，搵嚇我地下一站有咩食，一陣再過黎。每次一到海邊，我既心情就會變得好好。始終藍天白雲、海灘系我既最愛～獨霸一個遮陽既涼亭仔，個頂系用唔知棕櫚樹定椰樹既葉扎成既，所以好擋太陽。甘我系黎曬太陽咖嘛，梗系拖張躺椅出去曬啦～剩系遮住個頭咯～熱辣辣既太陽曬系身上邊，真系覺得好舒服，因為有海風吹住，反而唔覺得好熱。聽住音樂同海浪聲交替，啊～～～訓左可能半個鐘頭，決定落水。WOW，雖然著住對拖鞋，都感覺到D沙好熱。離岸稍遠既地方，除低對鞋，好軟啊D沙。。。近海邊既沙石都系會有D棘腳，不過再行落D就唔會了。我林，實在無咩舒服得過攤系大海度了。。。實在好有衝動大叫，啊哈哈哈，不過無，我要低調D。
一直玩到中午，行返去洗頭衝涼，經過泳池，見到頭先個鬼妹居然仲系度曬緊太陽，我真系相當佩服。。。她真系無遮無擋系太陽睇嚇曬幾個鐘！依然唔覺得餓，於是就系酒店既餐廳度點左個人地既前菜，系炸魚、燒牛肉同春卷既拼盤，然後一人一個椰青。
食完休息一陣，繼續我地既SPA。搞掂已經系5點幾6點了，系酒店度租左單車，2文美金4個鐘，少貴咯，不過算啦，方便，懶得去第度搵了。不過，酒店得三部單車，哈哈，好在，都好新。但椰子望住部單車，個樣有D苦，因為，部車對於她黎講，稍高～～不過前邊系無“通”既。我問她，無問題吧？椰子話，呃，應該無吧，試嚇咯，唔得再返黎調。。。於是我地騎左出去，先去買POSTCARD。我一直跟系椰子後邊，從路上黎睇，她應該無問題，於是我稍稍放心。到左商店門口，准備停車，但個個家伙完全無停車既意思。。。然後。。。我睇住她剎車、落地、傾側，然後。。。連人帶車跌左落地。。。限於我都系車上邊，只能個O嘴，系萬分驚恐既情況下睇住她跌落地。。。即刻落車睇嚇她有無事，好在無大礙～～～原來，椰子系唔識得系遛車既時候落車既，即系她剩系識得腳剎。。。我話，都系返去試嚇調SEAT啦。。。於是，買完POSTCARD我地又返酒店搵他地既員工幫手調個SEAT。其實，個SEAT已經好低了，返去卑他地調，亦都只系下降左大概1公分，不過，總好過無。好在調完之後椰子話OK，唔系我地就可能要放棄部單車了～
又再起程，去之前做功課搵既一間海邊大排擋－－LAM TONG，據聞譯返英文即系POPULAR RESTAURANT既意思。從BLUE OCEAN RESORT往HAI YEN方向，大概踩十分鐘左右就可以見到了。雖然系露天大排擋，但位置好好，就系海邊，行落十幾級樓梯就系沙灘了。所以，你可以居高臨下甘望住個海食飯。主打依然系蝦、蟹、魷魚、貝類同海魚。我地點左個檸檬葉辣汁蝦、一個魚露魷魚、一個沙鍋焗海魚，仲有MANGO SHAKE同青檸梳打。不過，我真系唔記得餐飯幾錢了，反正價錢都系好抵。我地去到既時候比較早，就系得另外一台同我地，個台應該系黎食中午飯，一直坐到宜家既，4個鬼1個越南妹。有個鬼佬飲得興致好高，仲系度彈吉他唱歌。呢間餐廳應該系一個好大既家庭開既，女人負責餐廳；男人呢，系海上揸緊摩托艇！其實主要都系兜攬沙灘上既人玩。不過天色已經開始暗了，都無咩客LU。嘩，他地真系曬得好黑啊，朱古力啊！然後大概六點幾，他地就將所有摩托艇推上沙灘，然後好仔細甘檢查機件同幫D摩托艇洗白白。然後，突然間有個又高又瘦又白既鬼佬加入他地幫手搬艇。搞掂之後，他就坐系我地後邊張台度，望住個海發吽唞。我地估他系系度打散工既，應該類似我系陽朔同麗江見到既鬼佬，因為中意呢度所以留低打工。
食完飯，我地又踩住單車往前大概走左十分鐘，呢度應該就系介乎我地前日同呢兩日住既區域既中間地帶，有條大約有5、6百米長既空地，撲滿黑色既石仔，就好似我地第一晚食既大排擋一樣，一共有三四檔，好多當地人系度食野，估計價錢應該亦都系比較抵既。然後我地開始踩返轉頭，然後系一間叫SNOW既門前停落黎，系椰子系網上搵既。SNOW系俄羅斯人開既，一棟白色兩層建築物，樓距好高，二樓系露天既，一樓有空調。因為成間野系白色同藍色為主要基調，所以卑人感覺好清涼。入去搵沙發坐低，發現原來系一樓後邊居然別有洞天，有台波可以打WO，免費既。於是我地就叫野飲，奮筆疾書我地既POSTCARD。講真，呢度既POSTCARD真系好一般～靚既太少，以至我唔能夠買到張張唔同款既，返黎仲卑朋友怪罪，唉～寫完之後，我地兩個出去打左幾盤波，因為樓底高，反而唔覺得熱，但出邊好多一種類似金龜既蟲，如果怕蟲既就。。。搵個第間啦，呵呵～
差唔多夠時間要還車了，我地往RESORT方向踩。呢個系我地系美奈既最後一晚了，所以，系POSTCARD入邊，我寫得最多既，系我對呢度既唔舍得，美奈呢個名真系好岩它。
待續。