睡到自然醒，然後又去食無敵海景自助早餐！搞掂之後，我地步行10分鐘去郵局寄POSTCARD。跟住返酒店坐系餐廳涼亭度研究左嚇我地系大叻既行程，補D相。然後返房執拾行李。我地系中午一點既車，但早餐食得太飽，反而一D飢餓既感覺都無，於是就忽略左午餐～反正車上會有免費水，仲有表哥買卑我地既糖同埋椰子系HAWAII買既一罐NUTS。後黎先覺得呢個決定真系錯誤～
SINH CAFE既車可以去到酒店門口接我地，所以我地只要系酒店大堂等就得了。車上其實坐左好多人了已經，但前邊依然無人坐，於是，我地又按照黎個陣既位坐。當時仲有大概4、5個吉位。司機幫我地搬完行李之後就開車了。開出左一段路，我見司機始終無卑水我地既意思，忍唔住開口問他。他先恍然大悟甘“啊”左一聲，然後好唔好意思甘話，我唔記得羅水上黎。。。唔系系化。。。但就算我打他一身，都無補於事了～唉～
出到市鎮，系間酒店門口，又上左一大班本地人，立即塞滿曬成部車，同我地黎美奈既時候真系天淵之別了。有老有少，應該系一家人去或者黎旅行既，最後生既哥哥仔應該系高中或者大學生，一上車就開始睇書，總系有D人開車睇書都唔會頭暈既～佩服～
有左西貢到美奈既坐車經驗同埋網上做既功課，我知道美奈去大叻既車程系一次唔會太舒服既長征。果然，出左市區無耐，就好似入左條鄉間小路一樣，而路上時不時仲會因為狗或者牛既阻擋而要停落黎。而大概行駛左一個幾鐘之後，我地開始了盤山路之旅。天亦都開始落起雨黎。個條系真正既盤山路，坡度大、路窄（僅僅過到兩部車），而且，過左大概一個鐘頭，當我地上到半山之後就開始有霧。於是我昏昏欲睡既情緒即刻煙消雲散，當你極目遠眺，會睇到綿延起伏的群山，而群山遠處，突然好似有個缺口一樣，出現一大塊平原，個個系一個城鎮，我地呢邊陰雨綿綿，但個邊可以話系萬裡無雲，天氣極好。真系好特別。
玻璃開始起霧，可以知道出邊氣溫都幾低。大概行左半個幾鐘，司機系一個視野比較好既地方停車，居然話我地可以系度影相。。。不過都好啦，落車活動下。出邊真系幾凍，我著住長袖外套都覺得寒風刺骨～同車有班鬼仔鬼妹，無林過溫差會甘大，仲著住背心短褲，一落車就系度不斷跳，話自己就黎結冰了，呵呵～呢度可能系一個制高點了，突然間林起“十萬大山”呢個詞，呢度可能無十萬大山，但目所能及，都系崇山峻嶺，薄霧之中，似乎毫無盡頭。林起以前同公司同事去韶關，三個鐘頭顛簸盤山公路，坐中間個個同事仲HUM親個頭，就系為左食餐蛇。。。啊哈哈哈～講起食。。。覺得肚餓，但荒山野嶺，邊有地方卑你買野食呢～一問司機，仲有三個鐘頭先到目的地，GOD～越企越凍，啦啦林走返上車～上車之後，見到個個本地人哥哥仔（即系上車睇書個個）居然系車頭前面拗腰。。。司機哥哥話，他肯定系度做緊瑜珈～～
繼續盤山之旅，最後終於都系訓著左～再醒黎，雨停左，居然望到一個小鎮，D房屋都系尖屋頂，漆成粉藍、粉紅、粉綠。。。好多種唔同顏色，好童話FEEL，咦，唔通到左？一問司機，未啊，不過一陣會停一下卑大家去洗手間，大概仲有一個鐘頭車程。呃～～好快，系一間類似住家既屋前邊停低，大家爭先恐後去洗手間。我又唔覺得呢度系雜貨店啵，好似完全無賣野既～屋主既兩個小朋友好奇甘望住我地呢班不速之客，仲不斷同我地SAY HELLO。上車坐低一陣，司機都上左車，我見他手羅住一D用膠袋裝住既飲品，肯定系冰啡啦～然後仲有兩杯，嗯。。。唔會系卑我地既甘好吧？啊哈哈哈，系真咖！他上車之後就遞左卑我，唔知系他內疚唔記得羅水上黎定系他見到我全程不到打喊露呢，嘻嘻～我遞左杯卑椰子，她望左嚇杯冰啡，猶豫左好耐～呵呵，甘系比較難為她，她都好少飲咖啡，怕苦，而且呢杯肯定系齋啡。我飲左啖，WOW，超正～～再返頭望嚇她，飲左一啖，塊面LA埋一注，然後偷偷地放低杯咖啡～我就繼續好開心甘捧住我杯冰啡飲咯。
好快，我地又出左呢個城鎮，天又開始落雨。系行左大概半個鐘頭既“省道”之後，出現左個收費站，而過左收費站之後，突然間變成左好靚既瀝青路，而一D好似SOFITEL既酒店既招牌亦都開始出現。好快又開始上山既路，當然，因為大叻系系山上既城市啊嘛!天已經開始有D黑了，當我地入到大叻市區既時候，華燈初上，眼前有一條凹凸不平既兩車道，連接住被一個好大既“坑”截開既兩邊城區。我開頭望住個“坑”覺得有D奇怪，因為大得好無尋常。。。等我地過到對面，我突然間知道左個“坑”系咩了，春香湖！無水既春香湖～～～點解會無水既～～～
待續。