雖然系09年去嘅旅游，但以前經常睇驢評，幫左我唔小，最近注冊賬號後，分享翻我游泰國嘅經驗。
今次泰國游系國慶期間去嘅，因為國內游太火爆啦，將我逼出中國，多少有D無奈。不過整個旅程都真系幾開心嘅，睇到好多同中國唔同嘅野，感受都幾深架。
先講注意事項：
1、出國前，要先搞簽證，泰國穩廣之旅代辦就得，3個月內有效。
2、到泰國嘅機票大家可以到“亞航”網站上訂，經常有好多打折，今次系“廣州-曼谷-廣州”。順便可以系果度訂埋“曼谷-普吉-曼谷”嘅機票。我今次來回4飛，兩人大概3000蚊。
3、酒店方面，大家可以上“agoda”，“booking”網站訂，或國內“ctrip”網站訂，邊個平就訂邊個。
4、貨幣問題，建議先系國內換一定數量港幣或美金備用，到步曼谷機場後直接用儲蓄卡系當地ATM機取，彙率同大陸基本一致，手續費按筆收取，所以取最大數額就無錯。注意：人民幣對泰銖彙率比較差，建議用美金或港幣兌換。
5、其他細節，泰國電源同國內一樣，不過全部為兩口。到酒店後，幫你摞行李嘅要20B，離開就酒店又要俾20B（泰國有俾小費嘅習俗，不過如果只住1日，唔俾應該都問題唔大。不過我今次都比較遵守人地嘅習俗。）坐車同食飯等其他消費就唔使啦。
6、交通問題，泰國的士打表大概系1.3元人民幣/公裡（廣州2.6元人民幣/公裡），而且當地打的一定要打表。
7、泰國周街都系7-11，familymark，而且唔貴，唔使擔心買唔到野。建議試下“泰國版益力多”平到你唔信，我基本晚晚都飲。
8、去泰國，只要著拖鞋，帶一條長褲、一件有袖衫（寺廟要著長褲、有袖衫），其他你中意點都得。
9、泰國到處都系旅游代理，有好多地方都可以搵距地搞掂，既經濟又實惠。而且好多代理仲有中文服務，所以比較方便。
10、到系當地再買防曬，太陽好猛，50度防曬先夠用。
注意事項講完，到行程：
D1：廣州-曼谷機票只有晚上11點 20分機到曼谷已經2點左右，建議出市區到考山路附近隨便穩間酒店住一晚。醒後到可以先穩間旅游代理訂聽日到“水上市場”嘅票，再自行參觀“大王宮”、“玉佛寺”、“黎明寺”、“臥佛寺”，有時間，仲可以坐船瀏覽“湄南河”（我今次無去到，估計可能同珠江夜游差唔多）。晚上可以系考山飲下野，吹下水。
D2：水上市場半日游，下午休息下之後，晚上有興趣可以去睇下泰拳同試下THAI FOOD。
D3：坐最早機從曼谷-普吉，去之前最好穩代理系機場接你機到你相應訂嘅酒店同埋PP島-通賽灣（有兩班船，早上一班，下午一班）來回船票。如果要提前訂，可以揾偉林幫你，入依個網站http://www.williamdiving.com/index.html就得，講廣州話都無問題。下午可以去衝下浪玩下水上活動曬下太陽。晚上可以睇人妖表演或者奇幻多樂園馬戲表演（估計同長隆大馬戲應該差唔多，不過我同女友兩個咩都無睇，一齊去左食海鮮同行下街），門票都可以系偉林訂。睇完可以到酒吧街感受下或者做個泰式按摩。
D4：PP島（島上有環島浮潛或深潛活動，簡直無得彈。系當地揾代理搞就OK啦，非常方便。如果多人一齊去，環島游可以租一船出海玩，我覺得會更加好，深潛好似需要兩日時間，有時間可以試下）島上住，強烈建議兩日都住CABANA，雖然貴D，但個人覺得都系值得嘅。
D5：PP島
D6：PP島（可以下午船先走）-普吉-曼谷
D7：曼谷-廣州，訓醒後可以到曼谷最大嘅購物中心Siam Center以及Central World附近SHOPPING，價錢比國內要平。（附近仲有一個叫四面佛嘅景點可以參觀，有時間都可以去望下）晚上翻廣州
備注：
如果得6日，建議壓縮曼谷嘅行程時間，或者直接系普吉翻廣州或者香港。
另：
如果時間唔多，建議直接香港飛普吉玩，4日搞掂，小長假可以考慮下。
