第一天
香港-->吉隆坡-->浮羅交怡
香港出發,大約10:00am到達機場,check-in後,到大快活食個早餐,重有d時間,再去買d零食,差不多12:00pm上機,搭airasia,因為冇直航,所以要到吉隆坡再轉機,約三個半鐘頭到達吉隆坡,落機後,我地就系機場唱錢,個rate都唔錯,掛住唱錢,我地竟然連行李都唔記得攞!跟住又要去攞返...搞左一輪,終於坐低食野..選擇在機場的麥當勞,因為KL的機場超細,幾乎冇野好食!麥當勞的環境超惡劣,超多烏英><好快速食完就離開了!當時差不多5:00pm,因為去langkawi班機要6:45pm先開,我地唯有周圍行下,影下相,終於上機了.今次轉機好快,一個鐘就到langkawi,等埋行李立即搭的士去酒店-->westin 車程30分鐘,RM 30,十分期待的酒店,聽聞好靚,8:00pm到達,酒店感覺很好很舒服check-in後,入住一連6日5夜的1212號房,room no.咁岩系我地我紀念日呢^^放下行埋,本來打算到酒店附近食下野+熟習環境,但問過酒店職員都話差不多關門,因為langkawi幾乎冇有夜生活,所以最終在酒店食晚餐!
我地系酒店搵到一間半露天餐廳,選了一個海鮮拼盆,又點了杯果汁酒,海鮮拼盆超級好食,我地都十分喜歡,回味無窮!加上佢系同酒店員工,所以酒店食野有50%off!! ^^