6點，我地迫不得已要起床，經過琴日既10小時折磨後身心疲倦，但航空公司要求我地航班既所有人要系7點鐘系賓館大堂集中去機場。
7點，我地准時落到大堂，交佐房卡就趕上車。幸好！剛剛剩低兩個座位，我地坐低一陣就出發往機場。琴晚黎既時候漆黑一片睇吾到周圍既景色，而家走都系漆黑一片，吾可以欣賞松潘既景色，下次黎一定要黎松潘睇下，仲想去若爾蓋草原。唉……因為太累，一路上繼續閉目養神。
7點45分，又翻到哩個可惡既機場！落車就去搞登機手續◎◎ 因為時間尚早我地就影下哩個機場啦！◎◎合體之後就系“九寨黃龍機場”啦！哈哈！！·～～
8點15分，又入翻候機廳，唉……如此熟悉！希望今日可以順順利利啦！望出去見到天氣好好，陽光燦爛。機場周圍既山景好開闊，好舒服！如果吾系要趕住返工，即使要我繼續誤機都無問題，好可惜要返工呢！呆坐佐一陣，廣播傳出提供早餐――“康師傅”方便面！◎◎排隊羅方便面。等待期間大家都不時關心有無飛機過黎，因為只要有飛機過來就有希望。琴晚地勤人員講過，今朝會安排8點就有飛機從成都過黎。我地繼續等，心情雖然仍然郁悶，但總覺得翻去既機會比琴晚大好多！
9點15分，歡騰既聲音再一次響起，廣播傳出從成都飛往九寨機場既CA448Y(今日仲清楚記得航班編號，由此可見系多麼深刻!)即將抵達機場。全個候機廳沸騰一片，好多人都鼓掌啦！我地當然好開心啦！開始收拾心情准備9點半登機！
9點半，當廣播宣布CA448X(因為要換登機牌，所以航班號都改佐，但仍然清晰記得！哩個航班號)航班可以登機既時候，我地航班既人好快就去曬登機口排隊！◎◎睇下每個人既表情，每個人都面帶笑容，我霖雖然大家對九寨溝流連忘返，但滯留既折磨已經令大家“無鞋挽×走”，每個人都驚遲佐會出現變化。我地都馬上執好野，走為上著！
10點，飛機准時起飛！！哩個起飛推遲佐二十幾個小時！真系難得！真系得來不易！因為覺得眼皮好重，所以繼續閉目養神！而翀翀呢，距就精神咯！系度睇機上既雜志！未等距睇完就聽到廣播傳出“飛機已到達成都上空，成都地面溫度6攝氏度”，機上全程歷時45分鐘，唉，等佐甘多個鐘就系為佐哩45分鐘！無語…… 不過總算平安到達！希望繼續順利啦！
其實如果樂觀黎睇，應該要多謝誤機！本來整個行程會系琴日結束，本來成都只系中轉站，只停留三個鐘左右，但而家我地可以有多D時間系成都行下，不過就系要請假一日，都算有收獲。塞翁失馬，焉知非福！
10點45分，我地到達成都雙流機場。成都雙流國際機場位於川西平原中部，距中國四川省成都市中心西南約16km，該機場原名雙桂寺機場，1938年修建，1944年擴建，1956年12月12日，中央軍委總參謀部批准將雙桂寺機場劃歸民航使用，隨即正式列為民航機場序列，又因為處在雙流縣，所以更名為“成都雙流機場”。一落機我地就准備今日既行程，反正都請佐一日假，所以要玩盡距！！！！首先系去搞成都至廣州既機票轉簽。系哩度又要多謝翀翀，因為轉簽既野全部都辛苦距！
11點15分，由於我地系零攝氏度以下既地方過來，一落機一陣就開始覺得熱！哈哈！證明我地既保暖工作做得比較好！翀翀因為要奔波來回搞轉簽既野更加辛苦！查詢航班、申請轉簽手續，翀翀來回幾個櫃台，個中既辛苦等翀翀自己講啦，等大家吸取下經驗！最後知道今日翻廣州既航班有幾趟，最後一班系20點45，因為我地要好好利用時間，去多D地方，所以我地就選擇佐哩一趟航班。跟住我地系機場保管佐行李(40蚊)就開始我地既蓉城半日行！
對成都既第一感覺就系天色昏暗！可能系我地去既時候天氣吾好掛，一到室外見到甘既天，心情都覺得好DOWN，果種感覺就好似系廣州春天天暗暗想落雨甘！如果長期系甘既環境生活除佐抑郁之外，就系拖慢生活節奏，難怪聽聞成都D人系中國各大城市裡面最休閑、生活節奏比較慢既地方啦。我地打的出市區。系度要多謝翀翀同翀翀爸爸！原因何在呢？吾話比你知！
第一個目的地：琴台路亦稱琴台古徑，是成都市的珠寶一條街，市內大型珠寶摟在這裡薈萃，也兼有餐飲店。全長900米，以漢唐仿古建築群為依托，以司馬相如和卓文君的愛情故事為主線，展示漢代禮儀、舞樂、宴飲等風土人情。琴台路處在成都市古建築比較密集、文化氣息比 較濃厚的地段，周圍有杜甫草堂、青羊宮、百花潭、文化宮等古文化遺址及公園。周邊建築即使是現代商業建築業多以坡屋頂造型、素色著色。琴台路既很好的融入這樣一片祥和的古文化氛圍中，又充分體現了自身的特點。琴台路比我既感覺就系好多賣金器珠寶店，其余就系火鍋店和飯店。我地行佐一個來回肚都打鼓，黎到成都點可以吾打火鍋呢？！經過久負盛名既“皇成老媽”本來想入去，但發現裡面好似無乜人，行前少少一間裝修都幾靚既反而多人D，所以我地就選擇佐哩間，不過已經吾記得果間野既名，如果翀翀記得既就補上啦！我地叫佐個鴛鴦火鍋底，但其實全程我地都無點食辣果邊，只記得個服務員成日叫我地試辣果邊，暈～。吾辣果邊既鍋底有魚，有番茄之類，鍋底吾系好貴。之後我地就叫佐鵝腸、豬喉、牛肚、金針菇(同廣州果D吾同，D味有D怪)◎◎其實火鍋既味道同系廣州食差吾多，不過記得個銀耳羹幾好，我地一人一碗！睇翀翀食得甘開心就知銀耳羹好味啦！◎◎哩餐埋單好似系125定150.吾算好貴！
第二個目的地：寬窄巷子。我地來來回回又穩錯方向，浪費佐一段時間終於步行到寬窄巷子。之前睇過報紙旅游版系成都有哩個景點，但其實好不解，究竟系一個咩地方呢？原來成都寬窄巷子位於成都下同仁路和長順中街之間的寬巷子、窄巷子是蓉城街道的歷史，舊時青磚舊時月。寬巷子、窄巷子起源於康熙五十七年（公元 1718 年），清廷動員全川力量修成都城。並在成都城西建滿城，以駐八旗兵丁，滿城當時亦稱為少城。大街（寬巷子）居住滿族文武官員，小胡同（窄巷子）則住滿族士兵，等級森嚴，漢人嚴禁入內，兩巷平行相鄰，是清朝遺留下來的保存較為完整的古街道。寬窄巷子由寬巷子、窄巷子和井巷子三條平行排列的老式街道及四合院落群組成，是成都市三大歷史文化保護區之一，是老成都“千年少城”城市格局和百年原真建築格局的最後遺存，也是北方胡同文化和建築風格在南方的“孤本”。按規劃，控制面積為479畝，核心保護區108畝，“修舊如舊、保護為主”，“原址原貌、落架重修”。
寬窄巷子比我既感覺就系古街翻新，而且系好鬼“FB”！點解覺得甘“FB”？原因系巷子裡面D鋪頭幾乎全部都系酒吧，茶莊，客棧，小商鋪，超級商業化！但最欣賞既就系每間店鋪商業化得又好有特色，從門面裝修到室內擺設，從店鋪名稱到擺系門口既廣告牌，每一間都各有特色，各有性格！怪吾知吸引甘多“單反”過來啦！如果學室內外設計既朋友真系要黎偷師啦！◎◎途徑經翀翀介紹食串甘既野！◎◎系米好似食得好辛苦呢？其實好好味噶！如果吾系翀翀都吾會食佐……哈哈！其實哩種小食就系狀元坊賣兩蚊串果D野，只不過黎到哩都加佐D芝麻而已。哈哈～～ ◎◎因為今日已經吾系假期所以巷子比較少人，行系巷子好舒服，感覺真系好“FB”，如果吾系趕時間的話，一定要穩間店鋪坐低嘆下茶，感受下閑情！◎◎無辦法啦，下次有時間再黎感受啦！由於時間關系，我地又要去下個目的地。
第三個目的地：武候祠、錦裡。未黎到錦裡之前亦吾知哩個系咩地方，更加對哩個地名好困惑，究竟系邊個錦，邊個裡呢？真奇怪！我地打的黎到武候祠門口。
武侯祠是全國唯一的君臣合祀祠廟，也是中國最大的諸葛亮祠堂，有“三國聖地”之美譽。這裡有蜀漢政權時期幾乎所有重要人物的塑像，這些熟悉的人物和他們演繹的故事會帶領你穿越時空，重回一千多年前驚心動魄的戰爭年代。唐代詩人杜甫曾寫有“丞相祠堂何處尋，錦官城外柏森森”的詩句，描繪的地方正是武候祠。 武候祠位於成都老南門外的武侯祠大街231號，占地3.7萬平方米，始於公元223年建惠陵時，清康熙十一年重建。 因為門票60蚊，太貴啦！所以無入去。我地向前行就到佐錦裡。錦裡是西蜀歷史上最古老、最具有商業氣息的街道之一，早在秦漢、三國時期便聞名全國。今天的錦裡依托成都武侯祠，以秦漢、三國精神為靈魂，明、清風貌作外表，川西民風、民俗作內容，擴大了三國文化的外延。在這條全長３５０米的街上，濃縮了成都生活的精華：有茶樓、客棧、酒樓、酒吧、戲台、風味小吃、工藝品、土特產，充分展現了四川民風民俗的獨特魅力。@@
古戲台將定期上演川戲的經典劇目，戲台前會定期放映壩壩電影、以特色小攤的方式舉行民間藝人的展演（如糖畫、捏泥人、剪紙表演、皮影表演、西洋鏡等）；@@
錦裡有一條街系專賣小食既，經翀翀介紹食佐串好奇怪既野！一串菜包住蘿蔔之類凍既酸酸地、辣辣地既野！吾知叫咩名，亦吾記得影相！
離開哩度基本就結束我地既蓉城半日行，不過節目仲未完，翀翀帶我去食佐樣我未食過既成都名小食――蹄花。恕我繼續孤陋寡聞，我未聽過哩個食物系咩，經距介紹原來系豬手。我地打的黎到陝西路，因為聽聞哩間夠正宗！間店環境一般，好似普通小食店，可能因為太早(17點40分)，所以裡面無食客，只有幾個員工仲系度打牌。翀翀叫佐兩碗“雪豆蹄花”。當我仲系度想像緊究竟系點樣噶？！兩碗“雪豆蹄花”就已經拿佐上黎！原來系一碗濃稠釅白的奶湯，裡面有白嫩嫩淋淋既吾知豬手定豬腳，雪豆好似扁豆，但比扁豆大，好“淋”，入口即融，湯好鮮甜皮嫩，豬皮入口即化，真系好有新鮮感，但食得多就有D覺得膩，不過一碗剛剛好！據說蹄花還能美容嫩膚，所以很多成都美女喜歡吃，哩個可能就系成都靚女用黎美容既其中一種辦法掛！
17點50分，因為我地要坐20點45分既飛機，所以我地准備打的去機場！(因為黎市區既時候個司機講成都落班時間好塞車，而且而家搞緊地鐵，哈哈，原來成都仲未有地鐵既)我地系路邊等佐好耐都無的士，有的士都系有客。無辦法，我地只好行去另一個路口等，又等佐一陣，仍然系無的士。天色開始昏暗，又開始起風，凍佐好多。由於我地無乜打的經驗，只好又換個地方等，但仍然都無，時間過得好快，我地開始心急。我地決定行遠D睇下有無，行佐大概10分鐘，翀翀離遠見到的士，我地馬上衝上去第一時間先上車再講(因為有重慶比人拒載既經歷，所以而家都驚又比人拒載)。好在，司機直接就車我地去機場。剛剛等車等佐大概20～30分鐘，真系……
19點25分，我地去到機場，翀翀經過一場思想鬥爭+一番努力之後，最後都決定同我一齊翻廣州。不過事情並無甘順利，由於我地橫跨三個航空公司：南航、川航、國航，又改簽，所以手續好多而且好麻煩。20點15分，登機處既工作人員叫我地等下，等其他航空公司確認，天啊！距登機時間只有15分鐘，如果真系搞吾掂，我米又要請假，救命！我吾想，亦吾敢再請假。此時此刻可以用心急如焚黎形容。翀翀亦都無曬意見，無曬表情。我地企系一邊等消息。五分鐘後！果個工作人員終於幫我地搞登機手續。我地馬上去安檢之後就登機！唉……終於松佐一口氣！真系好驚今晚走吾到，因為哩趟航班系今日翻廣州既最後一趟，即使距聽日比我走，我都要請多一日假！果時就暈啦！
23點終於翻到廣州！完滿結束完夢之旅！不過大家吾好以為甘就順利結束，仲有一件事令今次完夢之旅帶上遺憾！欲知後事如何，請睇下回分解！