前序：今日按照安排系完夢之旅既結束日，我地之前訂佐13：40從九寨飛往成都既機票，又訂佐18：40成都飛往廣州既機票，但世事難料，客觀既事總系吾可以掌握同預料！
8點，我地起床，由於昨晚已經基本執好野，我地好快就出門口翻去琴晚食面既地方食早餐(費用約25蚊)。今日無落雪，陽光明媚，我地都講，“甘好既天氣，今日飛機肯定可以准時到達成都”。但路面、屋面仍然有積雪，厚度無變，只系地面既積雪被人鏟開一條路。我地繼續影相。
9點15分，我地起程離開九寨溝，當時既心情好平靜，無太多既戀戀不舍，無對哩個景點有多少既遺憾，心情就好似睇星果晚甘平靜。准確黎講，整個行程都系如此放松，如此平靜；整個行程吾需要去牽掛什麼，顧慮什麼，實在太舒服啦！
系去機場既行程上面，我地安排佐途中系一間藏族寺廟“達吉寺”同“九寨天堂洲際酒店”
“達吉寺”系我地入九寨溝路上時候司機同我地介紹過既，今次難得哩一趟，我地當然要感受一下藏族信仰文化啦！車開佐吾系好耐就到佐“達吉寺”，從“達吉寺”可以領略藏傳佛教中古樸神秘的本波教（亦稱黑教）既文化。◎我地黎到大門，同一路上既景像一樣――冷清。寺周圍無喇嘛，連人都無。我地從一扇虛掩既門入去，裡面仍然系空無一人，好似有D恐怖！我地入佐大殿覺得裡面比較簡陋，系經輪影佐幾張相就離開大殿。大殿旁邊有個小殿，哩個下殿吾知叫咩名，只記得門口兩邊都有兩個骷髏頭！！太恐怖啦！我地因為吾熟悉人地習俗，又因為寺內太靜，所以好快就准備離開。離開前環顧一下四周，發現面向寺既左邊好遙遠既地方有座好靚好高既雪山，而家翻黎再查資料原來就系藏傳佛教的“貢噶神山”◎(幸好翀翀影佐相)，最後我許佐願就離開佐達吉寺。
系路上見到有人騎馬，有驢友徒步，系哩個甘靚甘寧靜既地方慢慢騎馬同徒步真系實在太愜意啦！可惜，我地正系趕飛機途中！小車去到一個比較陡既積雪路段就停佐，車輪一陣打滑，一陣剎車，最後我地落車，司機加車輪鐵鏈。(要系哩度交代一下，今日到現時為止天氣都好好，陽光好燦爛，陽光照落雪面上反射出黎既光好刺眼！)我地落車行上路滑既斜坡。◎ 小車繼續前行，一路上，翀翀吾知系又犯高原反應定系陽光太刺眼，覺得眼皮好重，好眼訓。我都因為陽光太刺眼總系想閉目養神。過佐“九道拐”所謂九道拐，就是自山頂而下連著九個180度大轉彎，這九個拐也是九寨溝旅程中最危險的一段，據說這裡經常翻車，以至於每一拐前方都有著極其醒目的特大路標：第一拐、第二拐、第三拐。。。足見其危險性。
吾記得大概過佐幾耐，我地經過“神仙池”又一著名景點，可惜由於淡季已經關閉。我地盤山而上終於黎到久負盛名既“九寨天堂洲際酒店”。酒店位於群山之中，雪山山峰抬頭就見到。但最刺激眼球就系門口停住既兩台“悍馬”，一黃一黑。我對於車就吾系太熟悉，但覺得實在有型，翀翀因為之前系雜志見過，所以對哩兩台車有好大興趣，特別系黃色果台，系陽光既照射下特別有型，我霖如果黑色果台都有陽光曬住，可能更加有型。翻到黎問起人先知道原來悍馬一台起碼上百萬，而且哩兩台車既車牌仲要分別系“川U00001”、“川U00002”，實在太厲害啦！
入佐酒店，發現原來酒店系以一個玻璃穹頂下的生態大堂與自然景色融為一體，別具一格。大堂建築均為原生態藏羌風格，不論官寨酒樓、碉樓，還是一間小小的酒吧，外牆或采用當地片石裝飾，或就用石塊砌成。就好似置身於藏羌既鼓樓建築。獨特的裝修風格讓人親身感受藏羌風情。◎◎
飯店內共有豪華客房1020間，每間客房都有木質陽台並能觀賞山景。我地求其上佐一棟摟，房間走廊一邊系大玻璃窗，可以睇到山景，真系好舒服！望落去仲見到拱形玻璃下可以浸溫泉，甘正既地方，下次黎九寨溝真系要享受一下！呵呵～～不過網上訂都要700蚊一晚啊！貴！！！！無得住都影下相啦！◎◎
由於時間關系，我地就離開酒店。車沿山落山到公路，我地又落車影雪山，雖然吾知雪山既名但比雪山既偉大而迷倒，繼續影相。◎◎
跟住出現以下表情◎◎ 痛苦！！原來又咬親個嘴既久患，真系……痛啊！
其實我地停車影相既地方對開都系一個景點“甘海子”，聽司機講秋天既時候哩都金黃色一片，好靚噶！我霖下次當我秋天黎既時候再睇啦！我地要繼續踏上往機場既路途啦！路上我繼續半開半合眼睇山景同養神，而翀翀就一直處於昏昏沉沉的睡眠狀態。
12點15分，我地就黎到機場，12點45分(大家記住哩個時間)，我地就進入候機廳准備飛去成都！但……惡夢開始……
首先介紹下哩個可恨既“九寨黃龍機場” 九寨黃龍機場為國內支線旅游機場，場址位於松潘縣川主寺鎮東北約12公裡，海拔3300－3500米的紅星場址；機場建設規模按滿足2010年旅客呑吐量60萬人次進行設計，飛行區標高3440米，跑道長度為3200米，寬60米，聯絡滑行道寬23米，站坪按停放4架飛機（3C和1D）設計，航站樓按4000平方米設計，與飛行區通過專用道連接。工程總投資10億元。按照國家計委批復意見，紅星場址從飛行安全、投資、使用功能和生態環境角度綜合評估分析是該地區唯一經濟可行的場址。
“九寨黃龍機場”簡稱“九黃機場”，系一個出名發現誤點既機場，十次飛機，九次都黃(黃既意思北方方言多指吾好既地方，哩度系指誤點)。黎九寨既時候好難得可以准點到達，但走既時候就…… 今日總共有四趟飛機都系12點到15點之間飛往成都。(因為淡季，每日基本都只有中午或者下午既飛機入九寨，每日維持系3～4個航班。但旺季就厲害咯，從早到晚，以前未地震既時候，我霖每日有數以十個航班往來九寨。)
四趟飛往成都既航班時間，我而家仲記憶憂新，分別系13：15，13：40、13：40、14：15。我地坐果趟就系13：40中國國際航空公司既CA4484既航班！
我地進入佐候機廳，一直等到14：30，前面13：15果趟機先可以登機離開。我地心霖下一趟應該到我地啦掛？！由於我地下一趟成都飛廣州既機票系18：40系成都起飛(翀翀已經專登預寬松時間訂果18點40分果趟)，所以我地都暫時比較淡定甘繼續等路去。但由於又開始高原反應，所以頭開始痛，眉心開始淵痛，眼皮好重，好想訓覺。唉……無奈繼續等。
大概四點左右，突然聽到一個好可喜既消息，成都果邊有航班登機，起飛過黎啦！(因為哩度根本無飛機可以起飛，所以而家只好等成都有機過黎，我地先可以走)果邊可以起飛即系有希望啦！我地滿懷希望繼續等，坐系度等，挨系度等，訓系度等，不時登機櫃台圍滿佐人……整個候機廳有三個航班既乘客大概三四百人，大家以各種姿態去等待。廣播間隔一輪就宣布我地三個航班延誤既通知。大概1個鐘之後，有一個失望既消息傳開，“由於飛機吾可以降落，飛機又折返翻成都！”救命！！晴天霹靂！！！希望落空！我地可以點呢？！只可以繼續等。我地好無奈，亦無語，只好互相安慰，“還好，我地系地面等，距地飛來飛去，又吾可以降落，仲慘啦！”。另一個煩惱出現啦！就算而家即刻有機可以走，翻到成都都吾可以登機翻廣州，我地點辦呢？聽日就返工啦！甘米要…… 但系我地出佐等都無乜辦法，最多就系去登機櫃台開張航班延誤既證明，爭取可以去坐8點45成都翻廣州既飛機啦！等……繼續等…… 翀翀又無奈又眼訓，最後訓佐◎。而我因為1，吾放心我地一齊都訓著既安全，2，精神上好似累到訓吾著甘，所以只好呆坐閉目養神。天色開始黑，好在系機場裡面還算溫暖，想像一下外面零下既溫度真系不由得打個顫！由我地進入候機廳到而家大概過佐四五個鐘，期間我同翀翀除佐一開始仲傾佐一陣計之外，其余時間都系無奈甘望住外面，望住著急既人群，望住無奈既對方，除佐無語，仍然都系無語。翀翀講距試過一次誤機，等佐兩個鐘左右，今次……破佐記錄啦！而我就系第一次誤機，而且仲要等甘耐。
時間繼續慢慢過，而家吾系好記得點樣度過，就系記得等到想癲既時候就打電話，發短信比人訴苦。系哩度真系要多謝復過我短信，替我解過悶既朋友。特別系詩啦！一路上都關心我既行程同健康！等……仍然系關鍵詞！
系三個航班裡面，有一班廣州既旅游團(後來知道距地系同我地同一個航班既)。雖然大家吾識，但始終系他鄉遇到自己人，都有一絲絲既安全感同安慰。其實時間越耐，有飛機既機會越少，大家開始到佐忍受既極限，登機櫃台既兩個地勤工作人員被幾重人群圍住。我地發現系登機櫃台既人群基本都系北方人，廣州既同胞們總系坐系度斯斯然甘等，或者系因為距地有導游處理掛！系哩度可以好清晰甘睇到北方人的確比南方人火爆！但點都要多謝距地既火爆既，起碼我地終於有晚餐――飯盒一個！不過好歹都比南航果個航班既旅客好，距地要食“康師傅”。無奈都要食飯，我地已經吾抱希望，而家霖既，就只系剩落黎既時間我地點辦。
不經不覺到佐八點，廣播仍然系傳出航班延誤既通知，仍然系吾取消，甘樣我地仲要等到幾時呢？！仍然無奈，仍然無語……此時此刻既心情已經吾可以用語言黎形容。突然傳來令人沸騰既消息！有兩趟飛機系成都起飛啦！雖然我地已經趕吾到翻廣州既飛機，但去到成都總比系度呆等好啊！我地帶住一絲絲既希望繼續等！45分鐘又過去，失落又降臨於九寨機場。飛機又因為不能到達降落條件要折返啦！賣葛！！！一次次既希望，一次次既失望！我地何去何從，我地究竟幾時離開哩個“鬼地方”！哩個時候，對九寨溝既依戀已經轉化為對成都、對廣州既向往！天啊！點解吾比我地走啊？不過仍然慶幸住，我地好歹都系地面，如果我地系飛機上面，仲激氣，仲無奈！
九點幾啦！機場方面講吾比人留宿系候機廳，而外面既路況可想而知(天氣甘凍，路面結冰機會好大，結冰後路會好滑)。我地點辦呢？！還好，我地仲有一大群北方既同胞們替我地出頭。因為大家都心急如焚，更多人圍著幾個地勤人員要求安排住宿，有D人高聲叫罵，有D人拍台，有D人系旁邊影相、拍DV去記錄此情景，有D…… 吾知大家是否想像到甘既情景呢？而我地兩個人只好仍然系等，講又吾夠人大聲，狠又吾夠人狠，我地可以做咩呢？我地只好輪流去聽下地勤人員既解釋同事情進展，有時就去廣州旅游團既導游打聽下消息。我霖如果系我一個人去面對哩個情況，哩個漫長既等待的話，我可能會發癲！不過發癲都無用！唉……慶幸有翀翀系身邊，我地兩個互相安慰、互相照顧，如果得一個人一定好慘！
太多既無奈已經吾想再講，10點30分，我地被安排到松潘住宿，聽聞果度有熱水，有暖氣，聽日八點果邊就會有飛機起飛過來。我地亦無其它辦法，只好聽從處置。10點45分，我地終於離開候機廳(仲要系我地自己問後勤人員，距地先話CA4484已經上曬車啦！搞到我地好遲先走)12點45分到22點45分，十個小時！而家霖起都吾知點樣艱難地度過既，簡直有種不願回憶既感覺。
因為我地遲，我地果個航班既人全部上曬車，停系度既車已經全部無位，不過外面實在太凍，又系寒風凜冽，片面而黎既夜晚，我地放佐行李上車就吾理三七二十一甘上佐車，霖住企去就算(因為聽講半個鐘就可以到)，幸好有個導游位，我地兩個迫下啦，好過系下面同寒風鬥爭等下一部車。
11點開車，路況還算吾錯，我地坐系導游位又見到前兩晚既星空，群星仍然璀璨，但我地心情都吾可以好似之前甘平靜欣賞，我地互相對望一下，心裡面雖然被十個鐘既無奈摧殘，但哩個時候大家可以有個安身之所，有個可以互相幫助既朋友系身邊，心情都樂觀佐。不過……順利暫時未降臨我地身上，又一高潮即將上畫！！
11點45分，到地到佐賓館，未落車之前我地已經做到計劃，發揮我地分工合作既精神，我去拿行理，翀翀去賓館櫃台拿房間。因為我地部車最早到，之後大概有百幾兩百人會陸續過黎(因為系航空公司安排，中國國際航空公司計埋我地有兩個航班等飛成都)，如果人到齊，肯定會好擁擠。
等我拿完行李入到賓館大堂既時候，除佐翀翀已經有五六個人系櫃台前面等。我放低企埋一邊，幾分鐘之後大堂已經開始好多人，一百平方既大堂開始企滿人，櫃台前面水泄不通！人聲嘈雜！亂作一團！我心裡面開始擔心，吾系擔心無房間，而系擔心被人群圍住既翀翀，一個女仔系裡面，甘多人迫住想出都出吾到黎啦！？如果D人又鼓噪既話，有咩推推碰碰撞到翀翀點辦呢？我想打電話叫距咩都吾好理快D出翻黎先，但又霖，如果而家打比距，距又要接電話，旁邊又甘多人，到時撞跌電話甘點辦呢？真系後悔叫距一個人去拿房間。不過而家無辦法啦！只能以不變應萬變啦！希望無事啦！
正系哩個時候，一個男人高聲叫罵之後手居一本野，衝出圍系櫃台既人群，跟住又有人好似想搶翻本薄。當時情景真系好混亂！而外面既人有D就觀望，有D又繼續影相、拍DV，後來問翻翀翀先知，原來大家都好心急拿房間，但賓館老板卻要求每人拿出身份證登記，果個男既就系搶去老板既登記本，要求先打開所有房間，等大家入佐去，再登記。場面開始不受控制，航班既工作人員亦吾多，整個大堂處於完全混亂既狀態！(好可惜我當時只系擔心翀翀既安危，所以吾記得影相，如果吾系大家可能更容易理解當時既情形)。賓館老板見勢不妙終於接受佐大家既意見，頓時又系一片混亂，企系櫃台周圍既人突然向房間，向樓梯散去。我伸長頸終於見到翀翀，還好，翀翀仍然完好無缺！我知道大家開始散開去穩房間，翀翀亦好有默契，我地決定距去即刻去穩房間，我系度睇住行李等距消息。過佐一陣就收到翀翀電話，到而家我仲記得大概房號：418或者408！我後面背住翀翀個登山包，前面背住自己個書包，拿住自己個拉杆箱行上4摟，雖然D野吾重，但最煩就系因為高原，行到二樓開始喘氣，上四樓已經喘氣到講吾出野。不過當我見到翀翀既時候，真系有種“井岡山會師”既感覺(哈哈，帶有誇張既成分)！我地終於可以安定落黎啦！真系要慶祝下！不過無野可以比我地慶祝！我地早D訓就算系慶祝啦！當我地訓落床既時候已經一點幾，聽日仲要7點大堂集合，唉……全天候受折磨，折磨程度達到10粒星啊！不幸既系我整晚都訓得吾好，可能太凍掛，無暖氣之余，又因為……哈哈，我地之間既秘密！希望第二日一切順利啦！