今日係小圈遊，就由睇日出開始，呢次無得偷懶了，約咗個司機5點由酒店出發，睇日出地點係呢次既主菜，Angkor Wat (吳哥窟/吳哥寺)，不過天氣又係麻麻地，雲彩唔夠，太陽一現就光到暈，馬上走人，又一次唔成功！
首先係遊Bayon (巴戎寺)，呢個又係好出名，睇人頭像為主，『高棉的微笑』就係出自呢個地方的！然後是Elephant Terrance (鬥像台)、Leper King Terrace (癩王台)、跟住又係好多好多既寺廟。
Thommanon (塔瑪儂寺)
Baphuon (巴芳寺/巴本寺)
Phimeanakas (非敏那卡寺)
Banteay Kdei (班提可德寺)
Chao Say Tevoda (周薩神廟)
呢一日最後尾，我再返來吳哥寺，因為呢個時間陽光至比較適當影相！今日既影相活動，終於完畢！好累呀！
呢一日其實玩到黃昏時，是可以再睇一次日落的，但因為睇到個天同昨日一樣，所以都係決定唔睇日落，返到酒店，原本想再去按摩，但又覺得晚晚去按，好似好過份咁，所以都係停一停、抖一抖先。如是者再出外走走，搵晚飯時，發現咗酒店附近有一間地道火鍋燒烤小店，裡面好多鬼佬、內地及新加坡馬來西亞遊客食緊野，我望兩望就梗係即係埋去食埋一份啦，因為.......我發現呢間野係火鍋Buffet..........都係3蚊美金咋(發達咯)，仲要好好味添，超飽。真係奇怪，點解黎呢處食野，好似越食越平既﹖
(大家睇咗兩日，係咪好悶呢﹖................我影都影到有啲悶呢！)
(1)
(2)
(3)
(4)
(5)