每年，當天氣開始開始有轉涼跡像的時候，我渴望旅行的慾望，便會不其然的湧上心頭(呢個情況好似係全年都湧嚇湧嚇無停過咁喎)，但今年因為個人經濟，比較拮據，想去行遠啲或扮豪華啲，睇怕都無乜可能，但旅行又不能不去，咁點好呢﹖，唯有向平價機票埋手啦！
基本上只要搵到那裡有廉價機票，便會馬上成行，反正也不需太多準備，自由行流浪去也。
在９月時，無意中發現內地南方航空國際網站，有班機由廣州飛往柬埔寨的金邊及暹粒，價錢仲非常便宜，咁咪有得諗喎，因為我真的想去『吳哥窟』好耐了。
吼咗個網站成個月，終於等到呢個月初，機票價錢跌到我能夠承受既水平，於是馬上出手搞掂。價錢是：廣州直飛暹粒，來回機票價連稅，HK$1,794.34-，相比起由香港直飛金邊，單是來回機票價便要HK$3,400，還不連稅(加上稅項後，估計可能要差不多HK$4,000-，就算是一些特價團體票，聽說都要HK$2,600-左右)，兩者差別很大，而且到了金邊，還要過一晚夜，及於第二日早上坐6小時的長途巴士，才可以到達暹粒(其實金邊不是沒什麼看頭，不過那裡的戰爭遺跡、集中營及博物館等慘況，我又不太想睇(睇咗包你嘔心兼唔舒服)，所以，都係去暹粒既風景區影嚇相算了。
單以這次機票價錢來說，以我Cheap、Cheap眼界覺得，香港比起內地，真的沒有什麼競爭能力可言。或者上廣州有人會縑麻煩，但我無呢個問題，反正都係出門遠行，上去又方便，返來如喜歡的，在廣州再留下都無問題。而且廣州那個『新白雲機場』，開咗咁耐我都未去過，行嚇當見識嚇都好。
其實訂咗機票之後，真係何愁大事不成呢，其餘有關當地住宿、交通及景點安排，都屬小事而已。主要原因是暹粒面積不大，又屬旅遊區域，Guesthouse、Tuk Tuk車通街都係(唔通仲咁豪，住酒店，坐房車咩)，真係唔憂搵唔到；加上當地比對沒大城市先進繁華，一般支出，實在所費無幾(最啱我呢種Cheap友)。
其實為呢次旅行，我自然睇咗唔少有關資料啦，話哂都係自己去，乜都靠自己嘛！既然搵開，不如寫低，等有興趣既人可以參考嚇。
1. 南方航空國外網站 http://www.flychinasouthern.com/index.php?lang=en
訂票好方便，馬上報價及確定，出電子票，可以用信用卡找數。
2. 柬埔寨旅遊網站 http://www.canbypublications.com/siemreap/srhome.htm
整個柬埔寨旅遊資料，包括搵住宿，交通，地圖，乜都有。
3. 柬埔寨住宿 http://www.angkorhotels.org/
http://www.visit-mekong.com/hotels/cambodia/index.htm
好詳盡介紹，乜價位都有。認為合適既就直接去Guesthouse既網站訂房。不過我只會搵平、平的，貴少少我都住唔起。
4. 磨房 http://www.doyouhike.net/forum/globe/
內地網站，於論壇中的“異域之旅”內可以發現好多曾經去過柬埔寨後發表的遊記。國內、外其他地方適用。如果想找旅伴，沒問題，大把人想同妳一齊去。
5. 攜程 http://www.ctrip.com/community/itinerarywri/index.html
內地網站，於“遊記攻略”內可以發現好多曾經去過柬埔寨後發表的遊記。國內、外其他地方適用。如果想找旅伴，也一樣可以呢！
6. 背包客棧 ：
介紹：http://www.backpackers.com.tw/guide/index.php/%E6%9F%AC%E6%99%AE%E5%AF%A8
論壇：http://www.backpackers.com.tw/forum/forumdisplay.php?f=42
台灣網站，資料挺多的！
7. 柬埔寨菜式 http://www.frizz-restaurant.com/frizz-menu-khmer.html
http://www.butterfliesofangkor.com/all_day_dining_menu.html
都是一些關於高棉菜的種類及價錢。不過可能我去到係食大排檔，食我唔屎無肚痛就算。
除咗呢幾樣，自然去嚇圖書館借書睇啦(無錢買書呀)。
呢次我只會去五日(雖然我整個星期都唔駛返工)，下午機去，晚上機返，行程主要係大、小吳哥，所以估計都會好輕鬆舒服，唔會好辛苦。呢次旅行，主要係Relax同影相，我仲為咗呢次旅行，買咗枝“超廣角鏡頭”(慳慳埋埋，咁就無咗)，希望返來有貨交啦！
(那裡除了吳哥是世界遺產之外，最迷人既就係那裡的日出、日落，希望我去到時唔好咁懶，咁爛瞓唔知醒或唔好玩到過哂鐘都唔知道就好了！)
(1)
(2)
(3)
(4)
(5)