講咗睇咗咁多景，咁不如講吓睇吓人啦(一定系講人壞話啦，真是八掛呢！哈~哈~)。
當地人士：感覺系好純既，所以如果大家想去呢處玩的話，要記住去得玩就唔好怕俾人呃，當地系旅游為主，游客佢地都好尊重既，有事都唔會搞到游客，唔怕無生意咩。聽聞柬埔寨人對中國人特別好，因為中國一向對柬埔寨都好幫忙，唔似第啲國家咁對佢蝦蝦霸霸喎(咁大家放心啦，因為我是中國人嘛)！但呢個地方實在真系窮，又經歷咗長時間既恐怖黑暗年代，所以我感覺既系，當地人一般都比較少“笑容”(唔笑唔等於壞人既，不過佢地慣咗眼定定咁望住人，你唔當一回事就可以了)。至於治安，肯定無問題啦。而且佢地可能系因為物資短缺及窮，所以都習慣咗，就系開口問游客要錢或糖果文具，其實系好平常事而已，不過佢地要求唔多，有很多人當做善事都會很樂意俾的(就算唔俾都無問題的)，況且那裡好多受到戰爭及地雷傷害既傷殘人士，如果為人心太軟，最好准備一些文具或糖果比較好，否則真系唔好去玩好了！
旅游人士：呢處去玩既，以歐美、日本、韓國為主，但其實中國人先系最多(包括台灣，因為大陸及台灣都有航機直航飛往那裡)。香港人反而唔太多，可能很多香港人以為那裡很污穢落後(講真要嘆既香港人又好似唔啱那裡)。不過我幾天在那裡，發現每天在任何一個地方，最嘈最興高彩烈、講野最大聲既，一定系香港人，有一日仲見到一家香港人系最多人既吳哥寺睇完日出嗌大交添呀，中外人士，人人為之側目佢地都唔理唔怕羞？(問你死未？)，看來普遍香港人既水平，仍沒多少提高，好心佢地乖乖的做番井底之蛙，好過出去失禮人前啦！
講完人又睇吓當地既人，我一向喜歡影景多過影人(因為我影人系弱項，技術唔得，睇我連一支什麼大光圈人像鏡頭都無就知啦，所以千祈唔好誤會我成日影靚女，睇吓就可能會)，所以好隨意咁影咗少少就算！
不過要留意，很多時面對這些小妹妹，影咗佢相就問我要：『One Dollar』，好煩氣呢！哈~哈~
另外，很多景點都會有呢一類小孩子用英文及普通話叫買工藝品，不過唔多見人買呢！
(1)
(2)
(3)
(4)
(5)