原先我系西貢既行程入邊系有觀看水上木偶劇同埋去FLOATING MARKET兩項既，但由於水上木偶劇只有下午5點半一場，時間有衝突，結果無睇到。而FLOATING MARKET根據同SINH CAFE既事前咨詢，一天團既話，從西貢去到個度需要大概三小時既車程，然後要參觀完古芝地道先去，去到其實市場已經收市了。要睇呢個市場，要參加兩天團，咁先可以系早上去到睇FLOATING MARKET。亦都系安排唔到，所以取消左。其實如果時間允許，呢兩個地方都算系幾有特色既。再次印證世事無完美，留待下次吧。
訓到九點先起身，搞搞震一輪之後出門。一行出門口，一個人力車伯伯就上黎拉客，我地示意唔需要，然後往前行，他緊追不舍。我同LING過馬路，見到有個焗雞蛋仔既阿姨，他地既雞蛋仔系三角形既，LING話要食，我地於是埋去買咯。阿姨唔識英文，不過都可以溝通。個伯伯突然間又系隔離出現，同我地講廣東話。。。但系，你講廣東話都無用咖~我要食早餐，而且並唔打算坐人力車。。。唯有同他講，我地唔需要導游，有朋友會來接我地，打發他走。伯伯終於離開，我見隔離既店有法包，就它啦！
然後我呢個老土怪唔識得點樣切個法包，個姐姐仔睇唔過眼，過黎幫我切~~~如果，你以一塊西餐牛扒衡量，個扒好一般，但系，放入個法包度，加生菜、番茄同辣汁，非常好吃！再配買冰啡，超正！因為我呢個扒，呢個早餐唔算平，折返大概20文人民幣，越南人民既生活水平都唔太低，餐廳入邊都系越南本地人。
食飽，出發，打車去第一郡中心區。西貢既的士好得人中意，司機好醒目，離遠見到你都會駛埋黎，大部分都系大部既豐田，空間寬敞，車入邊好干淨。起表價錢介乎4-5元，所以系呢度出行都不用作他想。
去邊？歌劇院、市政廳咯。市政廳前既廣場有胡志明伯伯既像，他抱住個小朋友。眾所周知，胡志明系無小朋友既，呢個像既寓意系，他將自己一生奉獻卑人民，視所有人民為他自己既子女。令我林起我既偶像--周恩來。每個國家都有他地值得尊敬既民族領袖，而呢種精神，鼓舞住世世代代既人。亦都令我林起某日睇財經節目，大部分既外國人認為，系中國做生意需要面對既，除左合作伙伴既誠信問題，仲有國家政策既不斷變動以及地方政府、部門既繁復手續，其實講得隱晦，就系兩個方面，一個系法規的不明確性，一個系貪污腐敗問題。彙豐既上海負責人認為，如果上海想成為世界級金融中心，單靠目前這種硬件和政府支持，永遠達不到那個層次，除非有廉潔、透明既機制，好似香港。
睇完之後，我地去革命博物館。其實大家都知道，越南也是一個飽經戰難既國家。有別國的侵略，亦有自行發動的侵略他國的戰爭，仲有內戰。曾幾何時，我國和越南的邊境，相互報復式地埋下了數以萬計的地雷，今時今日仍未清理完畢。當然，旅游區的已經在兩國合力之下清完，所以無需太擔心。其實我既行程中，全部回避所有同越戰有關既博物館同地方，太沉重，我既敏感可能令我負荷太多。今天的越南，只要你不竭力去深挖，很難將它跟當時的300萬人喪生這個數字聯系起來。博物館裡面雖然有戰時的戰鬥機、直升機、坦克在，跟多的意義，也只是供人拍照而已了。而同時，有三對新人，正在這裡拍攝婚紗照。這個博物館坐落在寧靜既市區某處，新人甜蜜燦爛的笑容，真的很有一種反射的作用。和平應該得到所有人的重視和珍惜，並努力維系。
睇完博物館，劉生來電，於是我地打車返酒店同他彙合。他帶我地去位於第三郡同第五郡之間既一間PHO店--錦麗。呢度最出名既系牛肉PHO，都未行入去，陣陣牛香已經飄埋黎。就系一間店面稍大既店，好似廣州街邊既腸粉店。一見咁既架勢，我地知道一定有地道好野食。不鏽鋼台面全部放住一盤盤生菜，系生既菜。胡志明呢度好少食熟既菜，都系生既為多，有檸檬葉、薄荷葉、細梗油麥菜、細梗通菜、芽菜，通常都系自行搣碎放入PHO入邊。我要左生牛肉粉，加上配菜、檸檬汁、甜醬同辣汁，店入邊既哥哥仔仲卑左我地一人一只碗仔，入邊系一只生雞蛋。我地望住地膽，睇他點用。點知他羅起碗，一昂頭，飲左。。。呃。。。算了，我都系用返日式食法，打開然後用黎撈粉，都好正，哈哈。其實我覺得薄荷葉同檸檬葉既味都好勁，所以我都系放少少，而LING就獲得劉生盛贊，話她好LOCAL，因為她真系好似當地人一樣，加一大堆落個碗度。咁又真系啵，她食野真系好入鄉隨俗，適應性極其之好，除左咖啡咯，哈哈。再次想講，如果你地覺得廣州既PHO就系越南既PHO，其實系差別好大既。不過呢度既湯底真系好真材實料，好有牛肉香，估計系用牛骨熬左好耐既。加埋加冰百香果汁，岩好。
食完PHO，劉生話帶我地去第7郡行下。呢個系新開發既區，卑韓國一個大財團大手筆成個區買落黎開發，發展未成熟，不過環境好好，他自己都經常忙裡偷閑去飲野。去到個邊，環境真系幾好，我地去到一間叫TOP IT既YOGURT店，門前有好可愛既白色粉邊藤椅，側面一邊可望街景，一面是大大既TOP IT既廣告牌。我地一人要左個YOGURT，呢個時候開始落雨，更加有籍口坐低慢慢嘆。原來越南買屋--住屋，系要卑埋地價既，既系話，你買一套普通既大概90方既屋，要另外卑多30幾萬既地稅，都幾系野。。。
坐系度食嚇雪糕傾下計，雨停了。
跟住去邊？待續。