換好登機牌托運行李後，我地交談中發現，居然我地兩個都M。。。。不是吧~一個推遲、一個提前，真系~不過，當然唔會影響我地出行既心情啦，我只系期盼，一定要系到美奈之前結束啊~我系極之中意游水既，所以計算好日期。但，人算不如天算~只能咁樣講了~無得直接登機，要坐車車去到出邊登機，可能某些亞洲既航班都系如此，唔受重視。
越南航空及既姐姐都唔錯，D衫--亦即系奧黛，真系要腰細既女仔著先會好睇咯。飛機餐好一般，除左水果好新鮮之外，其他乏善可陳，好掛住新航既美味飛機餐同哈根達斯雪糕~我同LING討論左嚇我既感情問題，不過，其實我自己已經有決定了，所以也只系當一個談資而已。翻翻雜志，岩夠時間睇完就到西貢了。
越南時間比中國時間晚一小時，其實差別不大。一下飛機，熱氣撲面，再次乘車抵達航站樓。過關都算幾快，需要填寫一張出入境既DECLARATION，飛機上空姐會派，其實就系你既一D基本資料同有無物品同現金要申報，只有你攜帶超過7000美金入境先需要申報，一般旅行都唔會帶甘多錢系身啦~入境既時候要一齊卑海關檢查，然後他會KUP印，KEEP住唔好掉咯。過關後就去羅我地既行李。我好快就見到親愛既GIPGIP向我移動過黎，但LING既就一直未見，然後，她極力遠眺，發現遠處近傳送帶既地下有只箱好似她既，於是走過去檢查一下，thats it...唔知邊個咁無品，羅落黎睇完發現唔系自己既又唔放返上去。。。好，走得。我地走去機場近出口既地方，見到有越南航空換錢既櫃台，決定系度換，因為身無分“盾”。本來換錢既重任交左卑LING，但她唔知睇咩網頁話，越南禁止貨幣外流，所以唔可以換定先。。。不過無所謂啦，我地又唔系換十萬九千七，都唔差個少少彙率。反正我地系機場換好似系18900左右，我指美金。然後，順便訂SHUTTLE BUS去酒店，個櫃台姐姐話8美金，我地開始以為每人8美金，然後她找錢卑我地，先發現，系8美金一部車！都幾平啵~因為部車其實唔系真正既SHUTTLE BUS啊，系TAXI。
我通過AGENT訂機票既時候，順便訂左第一晚既酒店，KINSTON HOTEL, 根據網上既評價，位置比較中心，性價比算高。我地坐系的士度，第一次親眼見識到越南蜂擁既摩托車群，真系好壯觀。。。所有既車都好似陷入左呢個海洋一樣，哈哈~~慢慢接近市中心，發現西貢，亦即系胡志明市，同大家想像既落後既越南會唔同，呢度有好多CAFE同酒吧，亦都有好幾個大型既SHOPPING MALL，名牌店亦都好多。卑我感覺，呢度系美國車同日本車比較多，極少見到歐洲車。大概半個鐘後，司機話，到了。我望左嚇間酒店，咦。。。唔多似啵~我翻出自己張紙，指個地址卑司機睇，他研究左一陣，然後對下個姐姐卑他張紙，然後卑他個張我睇，妖，個姐姐寫錯左~於是又再次出發，大概5分鐘後，終於到左我地要去既酒店。
個BOY好快過黎幫我地羅行李，CHECK IN 都唔使2分鐘就搞掂，幾有效率。然後就上房咯，我地系1205，即系最高個層。嗯，間房都幾可以。LING習慣性地給小費，我想了嚇，好似越南是不用給小費的，不過無所謂啦。然後打電話卑劉生，他仲系公司忙緊，要大概個半鐘後先過黎搵我地。我同LING決定趁呢個時間出去買SAIGON去MUINE既車飛，順便問下DALAT飛SAIGON既機票價錢。其實原計劃系DALAT坐車返SAIGON，但我見需要7-8小時既車程，覺得好浪費時間，仲不如坐飛機，越南內陸機票並唔貴，但由於之前上越南航空既網站，最平既票已經無了，網頁上既人話其實D AGENT或者旅行社會平D，所以決定到呢邊再買，我地唔系旺季，問題唔大。
執拾停當，我地落樓，去FRONT DESK度羅地圖，順便問路，嗯，行過去SINH CAFE大概10幾分鐘，好，咁行過去啦。然後他地好貼心咁叫我地要保管好自己既錢物。行出去大概五分鐘後，我地到左BEN THANH MARKET附近，再次親身見識到好似蝗蟲一樣既摩托車群。過馬路既時候LING忍唔住哇哇大叫，但，她又相當勇敢地與摩托車搶位，我很佩服~~然後我地就險像橫生咁穿行系摩托車之間。發現自己不斷淌汗，都唔知系因為天氣熱定系嚇親，呵呵。經過一輪認路同辨別，終於搵到SINH CAFE了，訂好6.6下午3點去美奈既車票，每人5美金。但LING唔記得帶曬D美金出黎，我地問左嚇職員，機票她話最平既已經無了，其他既票其實幾時訂都可以，價錢無咩差別。越南既經濟艙系分兩個價格既，有特價同普通兩種。特價票大概折人民幣350左右，普通票折人民幣大概400左右，差別唔會太大。我地林住第日反正系呢度附近住，到時過黎買都得。睇睇時間，都要返去了，於是我地開始返回酒店。
返到酒店，劉生已經坐系度等緊我地了。我地都有兩年幾無見了，對上一次，系系廣交會入邊，個陣他同我講，就要辭職返越南了。都好既，他個份工真系太辛苦，一日訓得個4、5個鐘。他問我要左我份行程表黎睇，然後望住我：“我覺得你可以做導游了！”呵呵~~我既覓食功課都做得唔錯，因為，他今晚就系要帶我地去我行程表入邊其中一間傳統越南菜館--QUAN AN NGON。
我地打車過去，到門口先發現，原來頭先從機場過黎酒店既時候我地有經過呢度，哈哈。呢間野真系好多人，劉生話如果我地太早過黎，都系要等位既，不過他都預先訂好位了。呢件餐廳系無空調既，所有就餐環境處於半開放式狀態，但中間有個水池，水池上邊不斷咁灑緊水霧，天然空調~當然，有風扇既。而所有料理台是環繞住個餐廳既，你可以自己去睇制作過程，睇有咩系你有興趣想食既。我地有地膽系度，基本上放棄，將點菜重任交卑他。不過我地都系有繞場一周，睇睇D咁有趣既野。好誇張，他點左三個唔同既PHO卑我地試，有扎肉湯PHO、豬手PHO同一個撈既檬，分別系越南三個唔同地區既特色，然後仲有竹蔗蝦、椰汁煮螺、焗蜆、越南春卷、米糕。我同LING真系眼都大埋，三條友食甘多！！！我唯有同劉生講，嗱，我地無話過自己大食啊，系中意食，唔代表食得多啵，你要努力啦。黎到東南亞國家，點可以唔飲椰汁？一人一只。呢度既人飲野都會加冰（熱飲除外啦），系勁多冰。攬住個肚行出去，劉生苦笑：“你兩條友真系唔掂，搞到我食到爆肚咁滯~”我笑望他：“但我真系無話過自己好食得啵，只系中意食者。”
打車去返西貢既最中心區，我地落車散步，消化一下。呢個中心區既地價非常高，如果你有祖屋系度，恭喜，三代打跛腳都唔使憂。動則十幾萬一方既價格，毫不遜色於香港。西貢既中心區系第一郡，旅游區、經濟中心；第5郡系華人聚居既地方，第7郡是新開發區，第10郡屬於中等水平，其他地區則稍差。從人數上講，當然除越南人外，華人最多，但如果從比例上計算，其實越南最多的外國人是韓國人，其次日本人。越南的日用消費品和一些價格低廉既小商品多來自中國，但較高檔既商品則來自日韓。而眼所見，很多韓國和日本的公司在第一郡投資大型商場、酒店、寫字樓，還有碼頭、船廠。其實，越南並無我們想像中落後，在亞洲地區，越南近兩三年的發展速度可以排在前列。
邊行邊傾，唔經唔覺我地沿住最中心區兜左個圈，然後劉生帶我地去REX HOTEL既頂樓飲野。呢間酒店差唔多系越南最早既五星級酒店了，所以它既內部仲保有好多有越南特色既木雕，當然，亦都比較陳舊。上到頂樓，又系露天既，不過到左夜晚，反而唔會好熱，有少少風。點杯檸檬汁消滯。有個法國伯伯系度唱歌兼主持，呵呵。然後講起我地各自系旅程中遇到既奇怪遭遇，相當有趣。而即場拍出黎既照片也笑料甚多，不用P都很有效果，啊哈哈哈。
不覺間已到12點，決定回酒店洗漱。明早將是我和LING既二人活動時間，劉生中午才會出現。
待續。