第一日坐左4個鐘頭車黎到連南，首先去左游覽地下河溶洞。裡面就好似系一個天然既中央空調，同外面35度烈日高溫相比，呢度只有18-20度，非常涼爽。聽講呢個溶洞就廣東省黎講系最靚既。高中果陣已經去過雲南九鄉果個，呢D洞應該都系大同小異既姐，不過呢度大好多，足足行左我成個幾鐘，跟住又坐船游左20分鐘，不過裡面真系好靚，大自然真系好奇特，可惜部DC太OUT啦，影到裡面D岩石好似鬼影甘。
第二日游覽千年瑤寨，一眼望過去只有零星既幾間，好殘舊，好似大風D就吹散甘。平時呢度只有D老人家同細路仔住，年輕力壯既都出曬去穩食，初頭我以為呢D瑤寨只系為左比游客參觀，原來距地真系系度生活，非常簡陋、貧窮，煮飯、訓覺、做功課都系一間屋仔度，周圍都好黑。但是呢度D小朋友好純真、樸素，見到我地猛話“姐姐好、姐姐慢行、姐姐再見！！”又將自己屋企整既米酒羅比我地試，不過好難飲既~~~~
行程結束啦，開頭揀連南呢個地方覺得好冷門，都無抱咩期望，但是番黎之後心情好吾同，真系不枉此行！！聽導游講廣東省仲有幾個呢D少數民族既聚居地，有機會都要去行行先~~~~