問左大堂既靚女，美奈既日出，凌晨四點半就會開始，於是早早訓上床。四點半。。。簡直系破左我多年記錄，幾萬年無試過甘早起床了~四點半未訓就試過。。。唔系蒲，系失眠~
手機響起，好舒服咁陷在床被入邊既我，翻身望嚇出邊，一片漆黑~椰子都醒左，互道“凌晨好”，起床~稍微梳洗，披上大圍巾帶上DC，出門。走到海邊，又是那令人心平靜下來的浪聲。突然想起多年前剛進公司，跟同事和她的朋友去汕尾紅海灣露營，在帳篷裡時睡時醒直到天明，當時還在夜裡聽到快艇靠岸既摩打聲。個次系我第一次露營，真系一個好難忘的經歷~~哎呀，又唔知講左去邊了~返黎。
其實講真，我一向睇日落多過睇日出，一方面當然因為我起唔到床，另一方面，其實夕陽都系好靚既，多次多次，我都卑個只鹹蛋黃震撼到，而呢種震撼，因為突如其來，唔刻意，令我印像極其深刻。但既然我地黎到美奈，放自己一個咁舒服既假期，米當其中一個節目咯。
大海並唔系漆黑一片，點點漁火系海同天既分界線度閃爍，系啊，漁船就快歸來了。成個沙灘都系我地既--起碼系我目所能及既地方。月亮依然高掛系空中，好似未有去休息既意思。拖左張台出黎，兩個人坐系上邊。其實真系有好多年無咁樣一齊了，對上已經系我地讀初中既時候，系我屋企，仲有嘉慧。我地從小學到依家，雖然地域隔得遙遠，但有D野，特別系友誼，唔會因為距離而改變。影低等待中相互依偎既我地，有D美好無需太多言語。
天空出現左魚肚白，而沙灘邊開始有人出現了，應該系早起趕海既當地人。而我地既“領地”亦都有位阿姨出現左。一杯茶、一支煙，她亦都坐系沙灘椅度靜靜咁望住個個微白既方向。睇她已經有一定既年紀了，她住既系海邊既BANGALOW，可以見到她老公企起出邊望左她一陣，然後返入去。我都希望以後有個人，可以陪我一齊周圍去，同我分享旅程中既見聞同美景。
今日既日出睇黎無法睇到了，因為日出既方向有好大片既雲層，但有咩關系呢？咁樣靜靜坐系海邊既清晨，已經很好。我地返房補眠。
待續。