記得系2010年6月去嘅，一直都唔記得寫攻略。憑印像去寫，希望幫到大家。
人數：3人
人均消費：2200左右
先講注意事項：
1.由於我本次旅游主要目的系去小數民族區域體驗下，因此山路非常多，通常入山和出山都需要1日時間，大家要做好心理准備。
2.飛機票得閑可以上www.qunar.com或www.kuxun.cn揾揾，我今次來回機票全包價為520元。廣州——貴陽——廣州。
3.貴陽貴為貴州省會，連鎖酒店系比較多嘅，而且本身唔系特別熱門嘅旅游城市，所以住嘅問題非常好解決。但去之前仲系建議大家上網揾揾，盡量選擇近汽車站地方。
以下我嘅行程安排以及行程建議：
D1：廣州晚上機到貴陽，揾到貴陽客運總站附近嘅連鎖酒店入住
D2：黃果樹瀑布一日游，買車票到黃果樹嘅車票早上7點左右起身，到貴陽客運總站。如果無票，可以坐車到安順，再系安順坐黃果樹旅游巴士過去。翻黎嘅情況一樣。去到景區後，系門口就會有當地司機問你包唔包車玩，無記錯，價格好似系150元。如果超過2人以上的話，我建議包車會玩得舒服D。畢竟大件行李可以放系車度，而且時間都會節省唔小。黃果樹景區分3個，“黃果樹瀑布、天星橋、陡坡塘瀑布”，一日時間已經足夠游覽。兩個瀑布好簡單，一直行完就系，但系天星橋大家就要注意，行到一半果時，會有出口，而且會發現好多人出去，因為果D人系跟團嘅，行一半就俾導游趕架啦。但天星橋後半段景色先系精華，所以米傻傻趕跟旅行團出去。晚上建議住貴陽火車站果邊。因為只有果邊嘅長途汽車站先有到凱裡、榕江、從江（即系黔東南）等地苗族以及侗族嘅汽車坐。
D3：貴陽坐車到從江。建議早上盡早起身，因為貴陽到從江通常只有早上有車，而且車次唔多。買唔到票，可以先坐車到凱裡，再到從江。車程為1日。沿路風景好好。隨便揾間賓館，80元內。
系度要詳細同大家講講嘅：
汽車開車路線為“貴陽——凱裡——榕江——從江”
1.貴陽到凱裡大概車程為3小時
2.凱裡到榕江大概車程為7小時
3.榕江到從江大概車程為3小時
D4：從江到肇興侗寨，一日得兩班車，唔記得時間，好似系上午7：20和下午13點。車程大概3小時。如果錯過，只能坐車到洛香再轉小面包去。肇興侗寨晚上有唱歌表演，幾號聽，大家唔好錯過。
D5：肇興侗寨到從江，再包車到小黃和岊沙。游玩完直接坐車翻榕江。
小黃是侗族地區遠近聞名的“侗歌窩”，但想聽要俾錢。我無聽到，所以唔知道價錢。
岊沙一直保持古老而原始的苗民生活。好彩嘅話，會有表演睇。但我無睇到。
D6：榕江到西江千戶苗寨。榕江坐到凱裡或貴陽的車，跟司機說到三棵樹下就行了。下車後找輛小面包去西江苗寨就行。去到西江千戶苗寨後建議住上山頂，因為那是苗王的家，可以看到全村景色。我去的時候好似是30元/1人包吃住。（西江千戶苗寨可以逃票，逃票價為景區原價嘅一半左右，方法為找當地小面包接你入去）
去到三顆樹之前，有個地方叫郎德上寨，有時間可以去睇睇。聽聞是比較原始的苗寨，風景優美。但我無去到，因為時間唔夠，有小小遺憾。
D7：西江千戶苗寨
D8：西江千戶苗寨——凱裡——貴陽——廣州
後記：去完以後我覺得我這個旅程可以優化一下。
因為去完那以後，才知道廣州到黎平有往返飛機。黎平是在肇興侗寨附近的一個大鎮。所以旅程可以優化如下：
D1：廣州——貴陽
D2：貴陽——黃果樹瀑布——貴陽
D3：貴陽——三棵樹——西江千戶苗寨
D4：西江千戶苗寨
D5：西江千戶苗寨——郎德上寨——從江
D6：從江——小黃、岊沙——肇興侗寨
D7：肇興侗寨——黎平縣——廣州
（D8：喜歡可以在黎平縣玩玩再回廣州）
感嘅話，就可以節省1日嘅坐車時間。而且依個行程反過黎玩都得。從黎平玩完翻貴陽再翻廣州。
