每次出行前總記得到攜程溫下資料做功課，但自己寫游記就第一次．將今年五一假期的行程補上，希望都可以提供到相關信息俾大家啦． 嘻嘻～～
又到51長假了,今次不作長途外出,選擇左三個地方進行短途游覽.先介紹下與本科同學的南沙游.5.2早上1100約在洛溪集中(方便大家唔使早起,休息嘛,總想訓個晏覺),點知洛溪大橋腳塞車嚴重,搞到遲到30分鐘.有附近食左個晏仔,齊齊坐車入南沙了. 幾好,坐洛溪到南沙既專線十蚊/人既車費,一路通暢駛入進港大道用時先一個鐘多D.近期既天都是時不時有陣雨,所以落雨大家要擔遮仔.落車第一時間溫酒店,車站對面酒店都幾多,因為一早打聽好四五星級既太貴,所以決定溫間干淨舒服性價比平的.好快就溫到"金港酒店",參觀過房間後均可接受,雖然前台打六折俾我地,經過一班精明消費者既一輪砍價後以128/間成交(呵呵,前台六折後的價格為150/間).
入房休整後,300PM出發去南沙既著名景點"天後宮"(據聞好靈).南沙區內公車都算比較多,路闊車少,公車揚手即停好快就到左天後宮路口.由路口行入景區門口約十五分鐘,沿途是繞住一個大公園,仲有一間以蘇杭園林為建築特色的餐館,門口好多車,應該幾平吧.天後宮門票20大元/人(沒學生票,浪費啊仲專門帶左學生證),點知一買完票老天爺爺就落起傾盆大雨,搞到鞋都濕曬.待雨停後,進入景區,天後既石像沒想像中甘大,不過是幾慈祥.整座天後宮依山而起,有四五進,一路上山都是麻石台階,越到高處台階越斜,最頂是一座8層的磚塔.久未登山的大家上得有D喘氣,不過登上塔頂,可以四面觀望南沙區及珠江入海口,遠處仲有多部大郵輪航行緊,景觀不錯.
從山行落黎,又在海岸邊徘徊左陣,就向本次行程的主要安排--海鮮覓食出發.由於在山上已經發現兩年前海邊的海鮮大排檔經已拆除,所以決定向南沙港附近的食肆出動.誰知就是大家滿懷希望既時候,發覺一個問題--南沙的海鮮種類極少,價錢極貴!!已經沒左以前超強性價比既出品了.飢腸碌碌甘由地膽同學帶我地返到酒店附近既園莊餐廳食飯.飯後大家返酒店開戰"鋤2",哈哈~~~手氣唔錯,連贏兩盤.因為夜深,定於早上1000退房,過對面酒家飲茶作早中餐.
南沙飲茶的地方可能比較少,品種沒廣州既茶居出品多,在我地一班人風卷殘雲後,餐車上只淨我地沒興趣的幾籠大包.廿幾碟野一共116埋單不過不失(但當然沒辦法同廣場幸運樓的下午茶比).飲茶中,因為雨不停,大家對行程作左幾次更改.早茶埋單後,發覺雨勢減少,大家都是念念不忘過渡虎門既行程,所以都是決定去虎門.
一行人到達南沙港,望見幾艘大過渡船停在碼頭上.我應該算是第一次見甘大既渡輪吧,分為兩層,每層均可駛入幾輛貨櫃車(當然小車既數量更多).在碼頭上可遠遠望見對面海的虎門,兩岸相距應該有十幾條珠江既寬度吧,人過渡1蚊/次,仲實行無人售票.班次好密,上船後幾分鐘就開出了.
廿分鐘左右就過到虎門渡口了,船上遠觀宏偉既虎門大橋,仲睇到上下橫檔島,近距離見到江上既各類船只.雖然雨容容,倒也給景觀添上左蒙朧感.之後花5蚊/人搭車去左虎門出名既服裝城行街.(虎門公車好有趣,就是上左一部你如果要轉車,同司機講聲司機會在你要轉車的車站叫定另一部車等客,所以轉車唔使等幾好啊.回程我們地又照版煮碗,嘻嘻~方便!)服裝城倒是幾大,滿滿的四五層,就是款式好大眾化價錢亦唔比廣州平,所以大家都沒乜斬獲.逛左兩個幾鐘,決定回程返番禺.因為一直未食到真正既海鮮,氣唔順所以要去洛溪果間東江再食過.
回程一樣是過渡,搭車,個幾鐘好快就返到洛溪了.去到東江,海鮮品種多好多,亦相對較平.不過覺得最抵食是多寶魚,28/斤,呵呵當然是首選作為我地既盤中餐.晚飯食得開懷~~~`
飯後大家都有少少累,故不再安排節目,各自歸家休息.今次兩日超級休閑游總費用230/人,幾好!