由於寫這篇游記的目的主要是登在自己空間，所以是用廣州話寫的，希望大家將就一下！
05：40系屋企出發到星都酒店坐機場大巴，踏上旅程。
08：10飛機起飛，帶住開始興奮既心情飛往山城――重慶。之前對重慶既了解並吾多，只系知道重慶好多山，無人踩單車而已。
10：10飛機徐徐降落，廣播傳出“重慶地面溫度為5攝氏度”，5攝氏度系咩概念呢？系廣州好似好少有哩個溫度，我同翀翀好快羅齊野離開飛機(因為好好彩，我地坐系經濟倉的第二排)。哇，撲面而來既寒氣，5攝氏度的確好冷～
10：40不容得我地欣賞重慶江北機場，我地好快走出機場，坐上重慶的機場大巴(15蚊一位)。黎到重慶第一感覺除佐凍就系覺得天氣灰蒙，地面濕濕，機場大巴外形有D殘舊，其它汽車都好似好耐無洗過甘，好吾干淨。11：50去到機場大巴既總站――上清寺站。我地落車打的(起步5蚊，此程15蚊)到“7天連鎖酒店(解放碑店)”間酒店系翀翀出發前就訂，99蚊一日，經濟房一張1.8米既床，酒店離解放碑和紅崖洞都計較近。PS。解放碑和紅崖洞稍候就會詳細介紹。12：30安頓好行李，我地就展開重慶之旅。去片～～～～～～～～解放碑位於渝中區民族、民權、鄒容三大路交彙的十字路口，通高27.5米，該建築最初落成於1940年3月12日孫中山先生逝世紀念日，為低矮木質結構，稱“精神堡壘”。1945年抗戰勝利後重建，題名為“抗戰勝利紀功碑”。1950年由劉伯承改題“重慶人民解放紀念碑”。但而家已經成為重要既商業中心，就好似廣州既北京路甘。
由於已經到佐午飯時間，我地周圍去覓食，想去穩翀翀之前做佐“功課”果間八一路酸辣粉，但見到既都系比較細間既、比較簡陋既食檔，最後我地決定去“好吃街”食酸辣粉。(後來再霖下，發現原來哩間就系傳說中久負盛名既八一路好吃街好又來酸辣粉)。“好又來酸辣粉”5蚊一碗，味道都幾好，但比較重。跟住就系隔離買佐串鹽水鴨腎(而家先知道原來哩間又系出名既胖子媽的串串)，味道亦吾錯，2蚊一串。稍微解決溫飽問題，我地繼續下一目的地――長江索道。
本來想打的，但被拒載，司機話太近。所以我地由解放碑行路過去，一路上我地研究地圖，當然少不了要翀翀同學問路啦！(辛苦曬！) 大概用佐20分鐘，去到一個斜坡，斜坡上面就系長江索道。但……我地見到一個黑板，黑板寫住12月30日索道維修一天！甘“好彩”既！無辦法，只好第二日再黎。下一個目的地――湖廣會館。
受到之前拒載經歷，我地決定繼續步行 (其實最緊要系因為我地系向落坡方向走，如果系上坡，我地一定會打的，因為重慶街路都系上坡落坡，而且坡度好大).我地努力甘行，途徑一間郵局，各自寄佐一張明信片(2蚊一張)。去到一個丁字路口，開始迷失方向，正系哩個時候一轉身發現有個地圖牌，原來沿住一條樓梯級落去就系湖廣會館。我地沿住樓梯落去，哇！行佐好耐都未到底。我霖系廣州都無乜機會可以行一條行既樓梯，又長又滑。最後我地終於黎到湖廣會館。重慶湖廣會館位於重慶市渝中區東水門長江邊，系廣東公所、齊安公所、禹王宮等清初古建築群及仿古新建築群的統稱，是目前已知全國城市中心區最大的古會館建築群。我地去到正好見到有人影藝術相，哩度既建築的確幾有古典味道，但由於門票比較貴，所以我地路過而已。再向前行就系我地之前准備住既地方――重慶背包客棧，哩個客棧標榜吊腳摟及望江，雖然環境還可以，但我地好慶幸無住哩度，因為如果要拿住甘多行李行甘多樓梯先到住宿地方的確好辛苦。真系好在翀翀英明！
我地系背包客棧行落黎就系長江江邊，望翻上去我地落黎既地方，不禁感嘆，哇！原來真系好大高差～ 感嘆完，我地又准備下一個目的地――重慶輕軌。
由於時間關系，我地決定打的回較場口即系解放碑附近(大概10蚊)。好快，我地又翻來好食街。由於下午茶時間，我地買佐個“爸爸的包”(個名比較搞笑既面包，味道還算可以)，買佐一串鹽水鴨腎、一串鹽水牛肚(5+2+2＝9蚊)。行到去輕軌站口，因為實在太凍，買佐一杯比較呻笨既“街客”既熱紅豆奶茶之類(7蚊)，幾難飲！要系度唱衰下！之後我地就落輕軌(較場口輕軌站口好似地鐵站甘，要系地下面)，全程5蚊一個人。目前重慶開通的線路只有輕軌2號線，東起市中心較場口，西至大渡口區鋼鐵基地新山村，全長19.15公裡，始發站（較場口與新山村）。輕軌車廂同廣州地鐵車廂比較相似，車廂前進方向的最前面可以通過玻璃板睇到司機開輕軌的情況。輕軌離開較場口站幾分鐘就離開地面，行系架空既軌道上面，一直沿住長江江邊架空行使，長江美景盡收眼底！途徑長江大橋，嘉陵江大橋等等。感覺好新鮮！一直架空系軌道上面，途徑好多重要街道，大概有十個站左右，到佐終點站新山村。由於一路上的站點都系中間軌道，兩邊系候車站台，所以我地吾可以好似系廣州地鐵甘，中途過對面沿車返回。所以只好落車再買票返回較場口。回到較場口，我地又直奔下一個目的地――洪崖洞。
天色開始灰暗，時間不經不覺到佐6點幾，入黑既重慶比早上仲凍仲大風，我地系路上各自買佐兩條圍巾(之後既幾日我幾乎每日帶住兩條圍巾，一條冷織，一條布既先可以抵擋寒風)。又辛苦一路上翀翀既問路，我地終於黎到洪崖洞。洪崖洞以最具巴渝傳統建築特色的“吊腳樓”風貌為主體，依山就勢，沿江而建，讓解放碑直達江濱。外來游客可在這裡游吊腳群樓、觀洪崖滴翠，逛山城老街、賞巴渝文化，品山城火鍋、看兩江彙流、玩不夜風情。當我地黎到洪崖洞時，發現一件好搞笑既事，原來我地系黎到洪崖洞既頂樓11摟，哈哈！從未霖過可以有甘既效果。洪崖洞裝修好靚，晚上燈火輝煌，我地坐電梯落去，去到食街果層睇佐幾檔小食，興趣吾大。之後買佐6串羊肉串(10蚊)，比廣州街邊賣既大條。翀翀先拔頭籌，食佐第一串就發現――好辣～之後距食多半串就頂吾順，我抱住勇敢而吾浪費既精神食曬三條，哇～的確系幾辣！(後來翻到旅店，翀翀發現嘴角都辣損佐)，最後買佐一片類似四洲蝦片既野食(2蚊)，感覺一般。事不宜遲，我地又准備打的去最後一個目的地――南濱路。
半個鐘車程(的士費大概30蚊)我地就黎到南濱路美食街，南濱路美食街位於長江邊上，是目前重慶最火爆的餐飲一條街。秦媽火鍋、陶然居、順風123、七娃子、外婆橋及阿一鮑魚等餐飲企業聚集於此。哩度間間食肆起碼都有4層摟左右，好大，裝修都各有特色而且好靚，長江江邊都裝飾得幾靚，有一個江濱公園，望過去對面江，雖然無廣州、香港燈飾甘多甘靚，但因為江面好開闊，感覺好舒服！因為只有我地兩個人食吾到D乜野，所以面對間間都甘大既食肆，我地都懶得入去睇。沿路欣賞佐一下夜景就打的走了。
打的翻到好吃街(車費大概30蚊)，已經吾記得第幾次翻到黎解放碑附近啦！我地去佐一間中午入過兩次都無食既店度食飯，味道都吾錯，前提系我地點既送都系吾辣既，因為我地已經吾敢再食辣野啦！價錢都吾算貴(50蚊)。食完之後我地就翻去“7天”，完成我地既第一天，第一站既行程！
總路線：解放碑→長江索道→湖廣會館→重慶輕軌→洪崖洞→南濱路
兩人費用：15*2+15+99+5+2+2*2+10+9+7+5*4+10+2+30+30+50＝323蚊