香港, 知道湖南"鳳凰古城"既人, 應該唔會點多 , 雲南回來後睇左鳳凰唔少遊記圖片 , 真係好吸引我 , 起初我武斷認為鳳凰會係另一個人工後既麗江 , 當親身看盡古城沱江兩岸充滿民族風情既江邊民居---吊腳樓 , 你會只願身在此山中.......回家後最讓我思念的是那RMB2的酒釀湯圓 。
整個張家界人口約150萬，少數民族佔60%，以土家族，白族及苗族較多。張家界係天然既綠色大園林, 一座座千姿百態既山峰, 只要到張家界一遊，定能感受大自然鬼斧神功的震撼力。 我地預先包左當地既野導 , 行程三日二晚, 行足三日, 留宿山上 , 長征一樣, 對我幾攞命架 , 但可以對著星星進餐, 咩都值番!!
我的鳳凰古城/張家界7天火車航空自悠行 (2006年5月13日-----5月19日 )
全程7天支出: RMB 約2,200
人物: 4人
去程火車, 深圳----廣州----懷化
回程飛機, 長沙----深圳
***********************************************************
以下是我們七天的行程:
]第一天 3/5 晴
深圳-------廣州 (火車) -----懹化
是日係星期六, 隨行有兩位銀行舊同事仲要返工, 因為星期六關係一般都要三點先甩得身架啦, 所以揀左8:50pm由廣州開往懷化的1076重慶班車 .
考慮到是次行程都頗辛苦, 雖則是日時間有限, 但我同另一位團友再加另一朋友3個人食完燒鵝,石頭煱翅(元氣堂樓下"味膳坊") 後, 2點就上左元氣堂, 我搵左EC幫我鬆鬆膝頭哥 , 之後再做多1hr中藥護理 . 5點正元氣堂司機車我地去左深圳火車站, 我地先買左四張5:30pm去廣州東站既火車飛 (RMB70 , 車程70分鐘), 5分鐘後再到羅湖關口接埋另兩位團友 . 正式開始我地既自悠行。
係上火車果段路上我地都相當雀躍(或者只係我....haha) 邊行邊影相. 我地算係夠鐘開車果刻先願上車 . 深廣呢趟火車分上下兩層, 我地坐下層, 因為深廣段火車按裡程計算, 係全國最貴既 , 故然車上環境相當乾淨整齊 , 一眼望去車上大部分都係香港人, 我呢位大鄉裡都係第一次坐呢款火車, 查實我超過十年冇坐過祖國火車lu.
火車準時5:30pm駛離深圳 , 好戲在後頭 ......火車開動冇耐就停左lu, 情況幾無可奈何架 :oops: 又唔可以落車, 工作人員又唔蒲頭, 又冇廣播通知 , 乘客點會唔鼓譟呀 :?: 呢個第一次停左有成個鐘 , 之後斷斷續續停下開下 , 咁delay法, 點趕上8:50pm 班車 :?: 就係呢個時候, 列車服務員突然出現, 為我地呢類乘客預先登記. 火車原本係6:40pm到步 , 延誤到8:12pm先致抵達. 足足遲左個半鐘多, 落車眼見唔少乘客都駁唔上雨一班火車. 我地之前既登記都冇用, 佢地只係幫忙安排退票. 我地離開廣州東站8:12pm , 的士站人龍頗長, 又見對面馬路有間麥記(Mcdonalds) , 我地拿拿林上洗手間及買走四份 Dinner , 好快俾我地截到的士. 聽到由東站飛的去舊火車站要成30分鐘 , 即時激起大家的腎上腺素........萬慶當時廣州路面冇咩阻滯. 好記得我地落的士 時都8:45pm , 仲有5分鐘咋. 大家拖住喼, 起勢跑......呀跑.......跑呀跑, 好彩火車站人流幾疏下, 好快跑到月台, 一坐定就發動摩打lu . 上到火車大家都係咁影相, 影左冇耐我部Canon 相機又打柴, 睇相ok, 但影唔到..... 火車會係第二日11:11am 抵達懷化. 計就要坐14 個鐘 , 但火車上呢一覺(大家都訓得好好) , 時間過得快好多 .我地原本search 好廣州火車站附近有咩美食 , 絕對有充裕時間俾我地上火車前, 舒舒服服擦餐好既 .
住宿: 火車上
支出: 375.5
旺角----皇崗 直巴車費 HKD35
麥記 Dinner RMB86/4=21.5
廣州東---廣州西 RMB24/4=6
火車:深圳-----廣州東RMB 70
火車:廣州-----懷化 RMB 205中鋪 / 213下鋪 ( 親上深圳代理代買,需另收每張 RMB30服務費
第二天14/5晴
火車-----懷化 (lunch)------鳳凰古城 (車程2.5hrs, RM30)
除了懷化 , 其實吉首還近鳳凰古城, 因為我地先係考慮 8:50pm 呢班車 .
眾人拖著喼走出車站 , 第一眼的懷化舊舊的, 傳統中國小鎮仔 , 我地一心想著搵食過後, 就會離開前往古城. 找了一會 , 城上只有路兩旁的小小食店 , 考慮衛生問題.......好不容易找到"細雄酒店"的中菜館進膳(哈哈....包場 ) . 之後打的到殘舊的汽車站 , 2.5的小時中巴終於駛到目的地鳳凰古城.車站步行入古城 , 有一大姐沿途跟著不走 , 最後跟著她走,揀了環境不錯, 清幽的"六色坊"吊腳樓 , 獨立衛生間三人房也不過 $70 . 呢類大嬸佢地專門 給各家客棧拉客回扣，多半說客棧老闆是自己的表哥或是表姐。價錢環境ok 也由她吧 。
鳳凰古城仍較完整保留了明清時期形成的傳統格局和歷史風貌。沱江兩岸，矗立著一幢幢古色古香的吊腳樓。城中店鋪林立，隨處可見明清風韻的染坊、銀號、商鋪、酒坊，身著民族服飾的攤販散佈其間，構成一幅悠遠深長的湘西社會生活畫卷..... 沱江上有用棒槌敲打衣服和洗菜的習慣, 岸上還有觀眾畫畫寫生的青年. 漫步古城石板街 , 沿著江邊慢慢走走, 晚上朋友幾人坐上矮椅, 談天說地, 享受虹橋上一席價廉物美燒烤串.人生何求 .....
住宿 :鳳凰古城六色坊 RMB 70/3
]第三天 15/5 晴
鳳凰古城----張家界(RMB50/ 大巴4hrs)
原本考慮住二晚古城 , 考慮已行畢全城 , 不捨不捨下, 還是把握時間趕下一站 , 鳳凰古城. 酒釀湯圓 , 得著我回來吧 !!
中午離開了古城 , 我地打的去市內車站 , 向下一站張家界進發. 鳳凰城只有8:30am & 2:00pm兩班公交車到張家界. 車程4小時RMB50, 六點準時到達張家界汽車站. 預先約好張家界黃叔16歲女兒接車, 因為我們改了早一天到達張家界 , 黃叔還在山上帶團關係 , 行程第一天也暫由他女兒先帶我們上山. 張家界山大景多 , 請導遊是必要的, 每人三天包門票RMB248 +食住 +導遊費=RMB470/人, 也化算 . 若單計導遊費也要每人每日RMB50 。
搵黃叔因為好多自助遊記文章中都強列推薦他 ,他家住楊家界, 本地人, 人老實, 服務周到, 屬野導一名, 野導與否, 對我們分別不大, 黃叔電話 : 13974496181 .黃叔女兒安頓好我們後, 約好明早9時接上山. 晚於民族酒店旁的湘裡人家進餐.
住宿: 旭日小公寓RMB100/3
第四.五.六天 16/5,17/5 & 18/5 晴
張家界國家森林公園三天兩晚行
D1>張家界國家森林公園---金鞭溪---十裡畫廊---天梯---天下第一橋---袁家界(民宿)
D2>袁家界----->天子山-----烏龍寨----袁家界(民宿)
D3> 袁家界-----天梯-----金鞭溪-----黃石寨(索道來回)
張家界景區你會發現, 有絡繹不絕穿著鮮艷的嬸嬸叔叔穿梭, 好快發現佢地係韓國遊客 , 小店食肆全都是韓文介紹，韓國客人的到來，給張家界帶來濃厚的韓國風情。在寶峰湖景區，抬轎子的轎夫都能說幾句韓文，旅遊車、景區指示牌、導遊講解都是“韓語當家”，經營韓國菜的餐館也一家挨一家開了起來。聽說張家界市旅遊局也特地聘請了800多名韓語導遊 。
張家界的幾天並不如雲南, 遺憾食不上一餐菌.
***************************************************************
張家界森林公園兩日門票 連保險RMB 248 . 其他導遊不包的收費
1.十裡畫廊小火車（單程RMB 20，往返30）
2.天子山索道（RMB 54+44）
3． 百龍觀光電梯（RMB 53+43）
４. 黃石寨索道（RMB 48+38)
住宿: 旭日小公寓RMB100/3
第七天 19/5 晴
張家界------長沙--飛機--深圳-------香港
前一晚已買下今早9點長途車往長沙 , 我們乘坐2點的航機回深圳. 3.5小的車程 .RMB92 . 點解唔直接由張家界飛深圳 , 原因係張家界飛深圳只得22:25分一班時間 . 機票係張家界上山那天早上電話直接向攜程訂的 . 【www.ctrip.com 預定電話：800-820-6666(免費) 400-820-6666(手機) 】 香港信用卡只能先用抵押, 不能付款. 咁樣仲好. 機場送票再付全數 。
長途車站就在我們住的對面不遠處 , 呵呵.....發現深圳有開出長途巴往張家界的 , 冇睇價錢. 唔知你又敢唔敢搭呢 ?
12:30駛入長沙西汽車站 , 約好攜程工作人員1:45 機場交收. 於車站附近一間台灣快餐坐下 , 其間問了職員, 原來西汽車站往長沙黃花機場打的都要40分鐘 . 出發前找資料時, 知道長沙黃花機場離市區不遠的, 可萬萬想不到的是西站原來遠離市區. 張家界的長途車只停於長沙西站 , 這點大家得留意.
開始急了.......拿拿林結賬, 又提著三盒紅豆湯圓離開. 我地急 , 那位攜程工作人員相信仲急, 又好彩2點到了機場 , 見了心急如樊(搵唔到"木木火"那個字 )的攜程工作人員 , 想先付全數RMB2640 給他 , 但他叫我稍後先付未遲, 在旁幫我們急急辦登機手續 , 眼見那三盒紅豆湯圓已經泡湯了, 只好將之長眠黃花機場 ...... 一小時的航程, 就回到了深圳 . 我們兵分兩路 , 一路坐 k568中巴 到羅湖商業城回港 , 另二人乘330大巴華聯車到深圳福田, 登上賴師傅的車, 上元氣堂(經常光顧的按摩美容中心)鬆一鬆 。
行程完畢 !!!!