2008年7月12日，我們終於啟程到咗恨咗好耐嘅遠離大陸嘅海島——有中國“馬爾代夫”之稱嘅廟灣島旅行啦！
一個星期前，我哋已經通過旅行社預訂咗去廟灣嘅船票。（現在去廟灣島，一定要通過旅行團體代辦，否則自己根本無辦法約到船前往）。
12日朝早6點鐘，我哋五個人一條狗在廣州珠江泳場門口集中，整理行李之後，大約在6：20分左右出發。經廣州曉港快線——洛溪大橋——迎賓路——華南快速路——到中山之後上京珠高速——到珠海後轉S111國道——情侶路——珠海香洲港客運碼頭（即糸去東澳、伶仃島上船個碼頭）。9點鐘正式登上伶仃洋8號船。雖然一路上風雨飄搖，4個小時嘅船程都糸橫風橫雨，淋到大家都濕曬，但當我哋落船登陸廟灣島嘅時候天公作美，竟然天晴！真糸太開心啦！
大約中午1點鐘，到達廟灣島。先在最近碼頭個間餐廳食咗個午餐，接住兩日都在海灘上過啦！
提醒大家：
食：我哋試過島上兩間餐廳，發覺都糸最近碼頭個間餐廳最抵食同埋最好食！我哋今次無帶用具去燒烤，但如果再來廟灣島，我一定會帶上所有工具在海灘燒下烤，煲下海鮮湯（當然海鮮要自己諗辦法捉）！如果非要在餐廳食，魚仲可以考慮，因為糸生嘅，其他……，自己諗過啦。
住：大家都糸住帳蓬啦，唔好住島上嘅民居啦，蒼蠅到處飛嘎！
玩：在海灘自娛自樂，游下水，曬下太陽，爬下山，捉下魚蝦蟹咁啦。
飲水：最好就自帶飲用水，雖然島上有食水，但我哋視察過佢哋嘅淡水庫，都糸慶幸自己有帶飲用水。
但我哋在海灘游水嘅時候，發現呢個海灘有人工成份。有好多一個一個嘅紡織袋包住沙，在海底！而且我哋覺得呢個沙灘嘅沙大部份都糸人工堆砌嘅，唔糸天然海水衝刷出來嘅。或者糸我哋多心啦！另外，因為現在去旅游嘅人已經好多，但島上根本未被開發，所以生活垃圾全部都無被處理而直接排放落海，非常唔環保！
總體來講，廟灣島感覺好一般！