15/10(五)
20:30到埗先換錢，去到一個有對換牌價的櫃位，交USD$50俾佢，佢俾張Visa我後找咗些埃磅，但我說我不要Visa，但佢話人人都一定要，我同佢講幾次佢都無理我。我見到剛才機上識的埃及青年，佢用阿拉伯話幫我攞番，個櫃員好嬲咁問我攞番所有嘢然後俾番張美金我，我估個櫃位係做Visa而唔係找換店，但都應該禮貌些。
過咗關找到間銀行換錢，然後去洗手間。洗手間阿姐說沖水壞了，叫我不用沖，但我一用完佢便入去沖，然後問我攞小費。洗手間由佢管，沖水有問題是佢的問題，我沖唔到佢沖到亦係佢問題，當然唔啋去。埃及人愛搵著數由一到埗便領略到。
由於夜機到，因此預訂了酒店接機，費用?0/HK$107，只有1小段有少少慢車，車程大半小時。
22:00順利到達酒店，雖然俾個3人房我，但比我想像中簡陋得多，除冷氣外什麼設施也沒有。此酒店又名Alexander Hotel，服務人員很友善，165 Mohamed Farid St, Down Town，23901844，alxeander.hotel@hotmail.com。
手續辦完便有人同我傾行程：代辦火車票、Cario/Aswan/Luxor各處本地團連4晚酒店及送機，不計入場劵及火車票每人計USD270。由於我自己有計劃及不太喜歡她的酒店，所以沒有參加。
16/10(六)
一早坐地鐵到Mubarak站(每人E1/HK$1.4)，埃及男人出名好色，所以選坐女仕專用車箱。
出閘後買2枝500毫升的枝裝水(E5/HK$7)。往Rames廣場行到火車站，途中撞到一個男途人拍咗我屁股一下走左去，太過份啦!
問咗幾次路後終於找到火車站，因為大裝修，現場竟是一個大地盤，好難找！可能不想旅客撲空，因此Sleeping Train Reservation Counter仍設有此，但指示甚差。
入到票務處買今晚往Aswan及Luxor回程票，每程USD$60。Sleeping Train只比外國人用，要用Passport同美金買。外國人只能買頭等坐位或臥舖，其他等級的車票要由埃及人買。上車地方改了在Giza。
終於約11時辦完。坐地鐵往Giza站(每人E1/HK$1.4)，順便確認今晚上車之位罝。之後找的士往金字塔，開價E30，E20/HK28成交。
到埗後好多人叫騎駱駝，好煩！門票每人E60/HK$84。入金字塔內及博物館要另外俾錢，但知道無咩睇，所以無入。天氣好熱好曬。
中途好多小販，其中1個又話要送頭巾俾我，係要將頭巾綁在我頭上，要我大聲鬧停佢，因為我知道佢之後會纏住我攞錢，加上佢整亂我個頭。
在塔區影相，買咗枝500毫水(E5/HK$7，之前有人開E10，所以無買)。
14:00往Pizza Hut食飯(E50/HK$70)。之後坐架有錶的士去Mars Girgis地鐵站，但佢去到GIZA地鐵站便話到，仲係E60/HK$84，足足係我去程的3倍，之後便沒有再坐有錶的士，更貴！
在Giza地鐵附近行個圈便回Sadat地鐵看看開羅塔(每人E1/HK$1.4)。
18:00沿途買2枝1.5公升水(E5/HK$7)兼問路，返回Hotel洗面及問路往換錢，職員怕我迷路，勸我搭的士，估計約E25。每天都有多次播出唸經音樂，又響了！
19:30拿行李坐地鐵往Giza站(每人E1/HK$1.4)，今天第3次到這站，當然不會迷路。
21:45火車遲了些少，買枝1.5公升水上車(E5/HK$7)。臥舖票包晚餐(無飲品)及歐式早餐連茶。車箱內有私人洗面盤，但水流好細。吃晚餐前管理員問要不要買飲品，想要啤酒，但只有無酒精啤酒(埃及飲酒一般要到酒店或外國餐廳)，但下午飲過好難飲，無買。晚飯後管理員會幫你開床。
17/10(日)
7:00管理員拍門叫醒我們，之後派早餐。整個車程他都服務好、有禮貌，所以如果佢問攞小費，我是會俾的。但到站後叫我們落車時，他都只是say goodbye，無話想攞著數。
之後肥佬介紹旅行團，參加了尼羅河3小時帆船遊(每人E45/HK$63)，Abu Simbel(每人E80/HK$112)及往Luxor(每人E70/HK$98)的3個團。佢還不停推介Luxor的本地2天團(每人E150/HK$210包酒店)，但我比較希望到埗才找，告訴他遲些才決定。叫他開單，他手寫了1張有名及電話的紙話係單，問問酒店都話OK，便回房休息。肥佬話唔明點解我地咁熱，10月來說佢地已經覺得唔熱。我也唔明白點解埃及咁熱都有咁多肥佬肥婆。
沖完涼洗完衫後便往預訂了的3-6pm帆船遊，但連等及往上船已用了半小時。船長1開始便叫你遊完俾Tips，告訴你他有6個孩子要養等等。遊Tombs of Nobles(上岸影相)、Plants Island、Mausdeum of Aga Khan、Anton Island、Elassa Island及Elephantine Island(上岸後發現博物館已關，週圍影相後便打算走，有個老村民不停叫你到他家參觀，沒有理他，免得他過後向你收錢)。回到岸邊見船家正跪地禱告，便等他禱告後才上船。到岸邊後便建議你上船，離酒店好遠，時間又只是5時半左右。俾咗USD$1/HK$8佢，但佢嫌少要多d，無啋佢。
18:00行Sharia As-Souq市集，由於天氣實在太悶熱，加上d小販實在太煩，只行了少部份便買了兩個漢堡包(E10/HK$14)及3枝1.5公升水(E9/HK$12.6)回去沖涼、洗衫及開冷氣休息。
18/10(一)
2:50酒店morning call，起床拿早餐後(每人2條小包、1隻烚蛋、1件芝士及1件菓醬)，大約3:45am上旅遊車往關閘等。
4:30由警車開路離開Aswan，3小時後到Abu Simbel(每人E95/HK$133，包括80元門票、2元稅及13元強加的導遊費)。有2個宏偉的神殿：Temple of Ramesses II大神殿和Temple of Nefertari小神殿(殿內不能影相，有人被捉到，叫到一旁唔知做咩後又放人)。洗手間有人收錢，問多少，佢話隨意，所以俾每人E1/HK$1.4，但佢個盤有好多1元美金同歐羅，亦見到有E20紙幣。
9:45開車回Aswan，放低只往Abu Simbel的旅客後往High Dam。
12:00由於早知沒有東西看，全團人一致通過唔落車。其實之後經過條路都可以看到，特點只是一邊水高一邊水低，加上名氣大功勞大所以變成景點，但入場要收費。
13:00到Philae Island的Temple of Isis(每人E50/HK$70)。由於要坐船入，全團人一齊議價(每人E10/HK$14來回)。
14:00回程往看未完成石碑，聽說如果完成，就會是最大的石碑。但埃及太多東西看，又差不多每處都要俾錢，所以一致決定不入。個司機好豪邁，又無攞小費。
15:30回到Aswan，今天天氣較昨天好一些，又往市集走走。路過一家門外有燒雞的小店，打算買隻回酒店吃，但發現有人用中文推介小店的燒雞餐：半隻燒雞Firekh、2件大餅Pita、一份飯、一份前菜Mezze、一份蕃茄薯仔和一份豆湯(E17/HK$24)，點了1份。除前菜太鹹太酸外，味道很不錯，超值。因為太熱，2個人只吃了一個餐。
吃完行行商店，由於今天不是星期日加上時間還早，所以沒有昨天那麼多人。行過1間有人用中文推介的店舖，選了1套小型石製金字塔，開價E75/HK$105，成交價E25/HK$35。
17:00買4枝1.5公升水(E10/HK$14)，到銀行換錢後回Queen N Hotel多住1天(E80/HK$112)。
19/10(二)
7:15退房，打包早餐及在大堂等候，另1個肥佬(埃及佬年紀大小小都是肥佬)搭訕，他亦有旅行團介紹(Mohaned Galad，Mohaned.galal83@yahoo.com.hk，010-2579837)。另外佢話到Luxor可以住New Everset(近火車站)或New Almostafa(近TV Street)，價錢同條件和我現在住的差不多。他還叫我在Luxor要多加小心，因為很多扒手，這個我當然知，因為網上已公告了很多悲慘經歷，有個男子被扒後還可以硬淨面對，但被在報失過程中的困難令到自己坐在街頭喊。
7:30出發，司機不大會說英文，而且頗粗魯，冷氣又唔開。出發後不久，報團的肥佬又打電話來問Luxor有否決定，我謊稱有朋友幫我訂了便算，他也客氣地說只是關心再問一次，但又不停問我訂了多少錢等詳情，我也客氣地回應朋友訂不知道便算，做生意的好有耐性！
8:00到了郊外接了1批完成尼羅河3日2夜遊的旅客，當中有2個香港人，他們參加沙漠觀星等埃及本地團，共美金210，他們預在埃及逗留14天，還說尼羅河遊真的百無聊頼，2天1夜應該已經很足夠。由於其他人都只想到Luxor，司機建議不去觀光直往Luxor，當然被我拒絕！
9:30到Kom Ombo，司機要另外收我每人E5，再問1次大家都不想去，這個廟不算太大，我便放棄，司機樣子有點嬲，態度好差。
10:30去到Temple of Horus (E50/HK$70)，有個好大件的鬼佬都落車看，但又要我們每人俾E1/HK$1.4停車場錢，真係好討厭。這個廟不錯，約1小時後上車到Luxor。
12:30到Luxor，我見到我想去個間St. Joseph酒店，叫司機停車，但佢話等陣。到了後1條街的Sunset有人落車，我都打算落。見有個拿著St. Joseph酒店傳單的肥佬，我便同佢講我去St. Joseph。 司機從車頂取我的行李落車，問我攞小費，周圍d埃及人叫我俾E20，我話佢無咩做過，俾咗E10/HK$14(其實都唔想俾，因為佢無禮貌)。之後攞完行李個肥佬叫番我上車話佢叫個司機車我去酒店，我以為佢踩踩油回後街，點知佢車完所有人才車我，仲要係對面馬路落車，我行都快過去，又側側膊問我攞番車錢，所以我鬧佢，佢又OK...OK咁走咗。
在車上同剛才兩個香港人傾計，佢地也覺得司機無禮貌，打算預備2張E5，先俾1張，如果佢太煩就俾埋第2張，之後佢地俾咗1張佢都無點樣。到我最後落車時發覺無1個外國人俾過小費。其車小費都不是太多錢，但服務唔好就無咩好俾，又無理由開聲叫人俾咁cheap。
到酒店對面馬路後，剛才個肥佬已經在等我(Malak Saood, malakhotel2007@yahoo.com, 002-010-7126377)，還好熱心幫我截車過馬路，其實如果唔係佢叫我上車，我早就行到，仲唔使過馬路。到酒店後問問價，睇睇房(3星、2人房給了3人房、大尼羅河景、大露台、有風筒及雪櫃但不准自帶食品在酒店進食)，非常不錯便租了(每人USD$35/HK$273)。www.xanga.com/stjos，stjosephhotel@yahoo.com，095-2381707。
肥佬話我個樣好凝重，因為佢唔知我嬲佢。之後同我傾團，也沒有點開高價，我亦沒有還價(每人E£60/HK$84)。佢又係俾個電話我當收據??? 算啦! 開正單的有舖旅行社最少要貴1倍以上，詭盡又唔係多錢，佢又係酒店內搵客，酒店又唔反對，可能真的是文化差異。
16:00沖完涼洗完衫後去確認火車站位置。沿途有大量馬車叫你坐，更有1個離譜到話前面已封路，收E2車我過去，有些埃及人之大話連篇可見一班。
行到市中心後找到網吧，時計E10，立即清清email及問路(只要沒有利害關係，如買東西/服務後，問路還是可靠的)，不久便到火車站，全程應在半小時內行到。
到火車站問服務員，雖友善但不懂英文。由於我已知只有1個火車站，雖然旅遊中心只在對面，但我打算回酒店再確認。
在火車站前大街又見到有中文字推介的Kitchen Hut小店，入內後發現沒有埃及乳鴿，於是點了Hot Pot Meat，1羊1牛跟飯。當時遇見1對廣州退休夫婦，已週遊列國1個多月，簡直恨死隔離。當他們走後，我們坐了他的位置，因為只有那個位沒有那麼多蒼蠅(埃及特產)。食物味道不錯，但埋單時E47，給他(E50/HK$70)他不出聲又不找數，嬲嬲地攞了他1枝1.5公升水補數，價值E3。
走時又有人搭訕，話自己有旅行團提供，有Guestbook。佢拿出guestbook讓我看客人的評語，但我話已報團，幫佢影咗張相。此時有個細路行過拍咗我個袋一下，我用好惡眼神望住佢，個肥佬幫我用阿拉伯文鬧佢。之後個細路跟到我去市集才走。
由於無興趣購物，在市集外影張相便算。之後去Temple of Luxor影相，夜晚開咗燈好靚。
沿尼羅河行回去酒店，到酒店附近小超市買了枝茄汁(E8.50/HK$12)及2枝甜筒(E6/HK$8.5)。
20/10(三)
7:00左右吃自助早餐，不錯。
8:30退房到大堂等車，又見到昨天的外籍青年，佢住後街Sunset，E90雙人房，但佢朋友今天去坐升氣球。我話我怕高亦怕安全問題，講俾佢聽當年番禺有個女仔飛走咗並跌死，佢話佢知有個本地人在落地時跌斷腳，佢都覺得唔安全。佢已到埃及20多天，問我覺得點，我話樣樣都好，除咗d人，佢非常同意。
等車時有個肥佬收尾數，跟住同我地攞小費每人E5，痴線！上車前昨日個肥佬又話收尾數，狂鬧佢，佢就sorry, sorry咁扮曬嘢。在車上見到昨天的大件鬼佬。架車有2個女仔要坐一個位。
先遊帝王谷(E84/HK$118，其中E4為谷內車費)：Tomb of Tuthmesis III (KV34)，Tomb of Ramses IV (KV2)及Tomb of Ramses VII (KV1)。
然後遊巴裡神殿Deir al-Bahri Temple(E32/HK$45，其中E2為區內車費)。之後導遊帶我們參觀石廠，除咗飲品外無人買其他東西。
接著遊皇後谷(E35/HK$50)及在曼農巨像外拍照。這車冷氣不夠涷，但導遊不錯，亦無取小費。
14:00返酒店天台花園吃飯，有個小泳池，風景好，食物好，服務亦好。點了Gilled Fish、Oriental Salad with rice、2杯芒果汁、1枝大Stella Local Beer及1枝埃及白酒，送了4個小包及打爛了1隻酒杯(不用賠)，共USD$35/HK$273，另給了E£20/HK$28小費。一個好好的餐廳：負責人George Habib，luxortourguide@hotmail.com。
17:00走到大堂拿行李，同接待員打招呼及影相，以及問清楚火車站之資料及的士價錢(約E10)。之後在門外上的士(E15/HK$21)到火車站。
走回昨天的餐廳問有冇乳鴿，又冇！買咗2枝1.5公升水(E5/HK$7)便去等19:35的火車。
21/10(四)
早上5時許返到開羅Giza，坐地鐵到Ataba找Victoria Hotel(E1/HK$1.4)，途中問1個途人但佢不懂英文，跟著問1個好好的報販及警察，當中警察見我行錯路更追上來更正。
到Victoria後發覺房價已由USD$40升到?0，諗住先看看房間才決定，但無房。
之後行出Victoria，有個伯伯介紹我去附近另1間，今天是看見最多好埃及人的1天。
入住Capsis Palace Hotel，117 Ramses St，25754219，capsis@egypthotels.net。(E190/HK$266)酒店就在Orabi地鐵站，方便但頗嘈，地下有酒吧及頂樓有餐廳，不准自擕食物。
沖涼後睡到下午2時多去吃飯，沿途好多人問要唔要的士。
15:00到北京Peking Chinese Chain of Restaurants，www.peking-restaurants.com，點了什菇炒中國菜(E21.5)、豆腐炒什菜(E20.50)、魷魚沙律(E20)、烤鴨(E46)、白飯1個(E5.50)、中國茶1位(E5)、Stella Local Beer 3小枝(E48)，份量不大、味道OK、服務好，連小費加一及稅共(E200/HK$280)
17:00坐地鐵到Ataba(E1/HK$1.4)轉車往Khan El-Khalili Bazaar 韓加裡利市場，問地鐵職員但言語不通。有個熱心途人用英文回答我地鐵El-Azhar未開通，可以坐的士去但不要俾多過E5，因為好近。回到路面時人山人海，邊行邊截也找不到的士，有人找到又被拒載。今天天氣好，有風，不知不覺已行到酒店樓下，便買2枝1.5公升水回去(E5/HK$7)。到酒店大堂發現用酒店服務去市集E35，但已無mood。回房執拾單據及寫日記，約晚上10時又再瞓。
22/10(五)
7:00吃自助早餐，一般。退房後訂了今晚的送機服務(E65/HK$97.5)。服務員說今天是星期五，有好多人放假，應該不會塞車。原本想訂的士往博物館(E15)，但服務員說可能等好耐才有車，所以坐地鐵去Sadat (每人E1/HK$1.4)。
9:30到達博物館(每人E60/HK$84)，經過3次安檢，但最後1次被打回頭寄存相機。寄相機後非常不安心，應該先取走張咭，就算唔見咗部機都保留到d相。
10:00-14:30在館內欣賞眾多展品，但有很多無資料，相信要到新博物館完成才有改善。當中圖坦卡門的寶物最多。皇家木乃伊館要另付E100，無入。廁所阿姐只顧派廁紙收小費，廁所又濕、沖水掣又壞、門鎖又壞。有人用手機偷影被發現，要刪除相片。
13:00到KFC開餐(E64/HK$90)，營業時間11:00am-4:00am，服務員都只顧傾計。
16:00坐地鐵到Mar Girgis舊開羅(每人E1/HK$1.4)，參觀懸空教堂、羅馬塔、路過Coptic Museum科普提克博物館及St George Church(已關門)等。懸空教堂大堂有冷氣，不收入場費，幾靚。
16:30路過警崗，規定一邊出、一邊入，但入時安檢位響又無人理，奇怪！
街邊飲品有價錢，1.5公升水賣E3，我想要枝500毫升佢話要E2，我唔買佢便話E1.5，我話E1後佢就無理我。之後坐地鐵返Obasis(每人E1/HK$1.4)，找出口時管理員唔識英文，有個識的埃及人主動翻譯，幫埃及攞番唔少印像分，當然我亦報以笑容及Thank you作鼓勵。
買枝1.5公升水(E2.5/HK$3.5)後便回酒店洗面及等車。
18:00坐酒店車往機場，司機開聲問攞小費，當然又不理佢，佢又無提供什麼額外服務。
由於太早，保安想唔俾我入Departure Hall，但另一個又話無問題。Departure Hall無外面大堂咁雜。四圍走走，見有人用封膜紙包行李，每件E10起。
20:00過Passport Control，佢地係登機證上蓋印，但張登機證又唔吸水，攪到好污漕。
時間尚早，買了些紀念品：香油(USD$13)、天然浴球(USD$7)、工藝品盒(USD$14)、工藝品大銀包(USD$26)和工藝品小銀包(USD$12)，共(USD$72/HK$561)。
21:30隔離閘口開始登機，但起飛時間是2小時後，原來目的地是紐約，過安檢都有排！！
22:20到我地閘口登機，23:00起飛了。
消費：共HK$4330，每人2165(未計每人936火車票及機票)